Marcos 14:24 - Manobo Western Bukidnon

²⁴ Ne migkag̵i si Jesus te, “Iyan heini lengesa ku he ibpetig̵is wey mepelisi is mezakel he menge etew. Tuus heini te paag̵i te kegkelibri he midtukud te Megbevayà.”

Marcos 14:24 교차 참조

Marcos 10:45

Su siak is Kakey te Menusiyà, kenè ku iyan inhendini te kelibutan is wey a metevangi te menusiyà, kekenà, wey a meketavang te menusiyà ne wey a zaan mebpehimatey su wey ku mevelukasi is mezakel he menge etew.”

Marcos 14:23

Ne mid-amì din dutun is tasa he midteg̵uan te vinu he paras ne mibpeselematan din daan te Megbevayà ne induwal zin diyà te kandan. Ne pudu sikandan mid-inum dutun.

Marcos 14:25

Benar is egkeg̵iyen ku he puun guntaan, ne kenà ad maan ed-inum kayi te vinu taman dutun te timpu keuzemà he ed-iinumè kiw te veg̵u en he vinu emun edhadì is Megbevayà.

Lucas 22:20

Ne hein neipus dan dutun is egkaan ne migkuwa en maan ni Jesus is tasa ne migkag̵i te, “Heini ve is inumen, ne tuus te veg̵u en he paag̵i te kegkelibri he midtukud te Megbevayà ne egkehimu heini pinaag̵i te lengesa ku he ibpaag̵as tenged keniyu.

Juan 6:53

Ne migkag̵i si Jesus te, “Utew venar is egkeg̵iyen ku keniyu, siak is Kakey te Menusiyà, emun kenè kew egkaan te lawa ku wey emun kenè kew ed-inum te lengesa ku, wazè niw untung he wazà pidtemanan.

1 Kurintu 10:16

Sikitew is menge tumutuu, emun edtig̵um kiw su edtumanen tew is kedtenuzi te kebpatey ni Kristu, duen ed-inumen tew he ebpeselematan tew te Megbevayà. Tuus heini he mibpelisan kiw en te lengesa ni Kristu. Ne is supas he ebpenebtevien tew ne egkeenen tew, kebpekeambit tew heini te lawa ni Kristu.

1 Kurintu 11:25

Ne zutun hein nekekaan dan en, migkuwa ni Jesus is tasa he nepenù te inumen ne ke sikandin en maan te, “Heini is inumen, ne tuus te veg̵u en he paag̵i te kegkelibri he midtukud te Megbevayà ne egkehimu heini pinaag̵i te lengesa ku he ibpaag̵as. Ne emun ed-inumen niw heini is inumen te minsan keenu he timpu isipa a keniyu,” ke si Jesus.