Marcos 14:16 - Manobo Western Bukidnon

¹⁶ Ne haazà is menge sumusundan din, migenat dan pehendutun te inged ne langun duen te migkag̵i ni Jesus ne iyan en iyan neehè dan ne zutun dan teg̵enaha is idlavung te Pista te Kedlevayi.

Marcos 14:16 교차 참조

Marcos 14:15

Ne zutun ibpeehè din keniyu is meluag he rug̵u ziyà te zivavew zutun he zaan en nehimani. Ne zutun niw teg̵enaha is idlavung tew.”

Marcos 14:17

Ne hein mezukilem dutun, si Jesus wey is sepulù wey zezuwa he sumusundan din, nekeuma zan dutun te valey.

Lucas 22:13

Ne migenat dutun haazà is midsug̵ù din, ne langun dutun te migkag̵i ni Jesus, ne iyan en iyan neehè dan ne zutun dan teg̵enaha is idlavung te pista.

Lucas 22:35

Ne zutun migkag̵i si Jesus diyà te kandan te, “Hein midsug̵ù ku sikiyu zengan he indawey ku keniyu he wazà med-uwit te selapì, ne wazà med-uwit te ed-ilisan, ne wazà daan med-uwit te ed-ilisan he sepatus, ne hengkey is kurang niw zutun te kedhipanew niw?” Ne midtavak dan te, “Wazè dey kurang.”

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.