Marcos 13:21 - Manobo Western Bukidnon

²¹ Ne ke zuen egkag̵i keniyu te, ‘Ahaa niw, heini en kes hadì he mibpilì te Megbevayà,’ wey ke zuen be egkag̵i te, ‘Heeyan en sikandin,’ ne kenè kew mebpemineg dutun te egkag̵i.

Marcos 13:21 교차 참조

Mateo 24:5

Su mezakel is ebpenlepew he egamit te ngazan ku ne egkag̵i is kada sevaha zutun he iyan sikandin sikan is mibpilì te Megbevayà he ibpahadì! Ne mezakel is ebpeketuu te menge tarù dan.

Marcos 13:20

Midterinan en te Nengazen haazà is timpu te kemeresayan su emun wazà, ne egkelimas dutun is tivuuk he menusiyà. Iyan, tenged te hizu zin te menge pinilì din he menge etew, midterinan din haazà is timpu te kemeresayan.

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Juan 5:43

Midsug̵ù a zini te Amey ku he Megbevayà, ne egemiten ku is gehem din ne minsan pa kayi kenà a keniyu edewaten. Ke zuen selakew he ebpekeuma ne kandin dà he g̵ehem is egemiten din, ne edewaten niw mulà.