Marcos 12:35 - Manobo Western Bukidnon

³⁵ Ne te ebpenurù si Jesus te menge etew ziyà te simbahan he Valey te Megbevayà, mid-insà sikandin te, “Maan is egkehimu he ibpenurù te menge menunudlù te kesug̵uan he is ebpeebuten he hadì, kevuwazan dà ni Hadì David?

Marcos 12:35 교차 참조

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Marcos 10:1

Ne mid-awà si Jesus dutun te inged he Kepirnaum ne midhendiyà te prubinsya he Hudiya. Ne zutun midrapas sikandin te wahig he Hurdan. Ne utew en maan mezakel is menge etew he nengeamur-amur ziyà te kandin. Ne g̵eina te iyan layun ed-ul-ulahan din is kebpenurù, ne mibpenurù din daan haazà is menge etew.

Marcos 11:27

Ne nekeuma zan en maan diyà te Hiruselim ne si Jesus, diyà edrig̵urig̵u te seled te simbahan he Valey te Megbevayà. Ne midhendiyà te kandin is menge punuan he memumuhat, wey is menge menunudlù te kesug̵uan, wey is menge ebmeg̵urangen te menge Hudiyu.

Marcos 14:49

Kada andew ne zuma a keniyu ziyà te Valey te Megbevayà is ebpenurù ne wazà a keniyu zutun dà dekepa. Iyan, egkeulaula heini su egketuman sikan is menge tagnà diyà te insurat he Lalag te Megbevayà.”

Lucas 19:47

Igenat dà dutun ne kada andew ne ebpenurù si Jesus dutun te zekelà he simbahan. Ne is menge punuan dutun te menge memumuhat te Megbevayà, wey is menge menunudlù te kesug̵uan, wey is ebmeg̵urangen te menge Hudiyu, ne egkesuatan dan pezem si Jesus te edhimatey.

Lucas 20:1

Ne sevaha he andew zutun ne midlikù si Jesus diyà te zekelà he simbahan he egngezanan te Valey te Megbevayà ne mibpenurù din is menge etew, ne impesavut din kandan is Meupiya he Tudtulanen. Ne zutun mibeyaan sikandin te punuan te menge memumuhat wey menge menunudlù te kesug̵uan wey is menge ebmeg̵urangen te menge Hudiyu,

Lucas 21:37

Ne kada andew zutun ne ebpenurù si Jesus diyà te simbahan he Valey te Megbevayà. Ne te kada mezukilem ne edhendiyà sikandin te vuvungan he egngezanan te Ulivuwan su zutun sikandin edhizeg̵à.

Juan 18:20

Ne midtavak si Jesus te, “Wazà mekeeles is menge penurù ku ziyà te menge etew su ziyà a mebpenurù te menge simbahan wey ziyà daan te Valey te Megbevayà he egketig̵uman te tivuuk he kehudiyuwan. Wazè ku ieles is minsan hengkey he lalag ku.

Juan 7:42

Su,” ke sikandin, “impesavut te insurat he Lalag te Megbevayà he is hadì he mibpilì te Megbevayà, ne kevuwazan te hadì dengan he si David, ne ziyè kun id-anak te inged he Bitlihim he inged daan dengan ni Hadì David.”