5 Ne hein edhekazan dan en, duen menge etew zutun he mid-insà kandan te, “Ebmenuwen niw heeyan? Maan is edhekazan niw?”
ke sikandin te, “Hendutun kew te inged he egkeumahan tew. Ne egkeehè niw zutun is intagkes he asnu he zuen din nati. Hekazi niw ne uwita niw zini zuma is nati zin.
Ne zutun migenat haazà is dezuwa, ne neehè dan haazà is nati he asnu ziyà te kilid te zalan su intagkes diyà te uvey te g̵emawan te sevaha he valey.
Ne haazà is dezuwa, midtudtul zan is impekag̵i kandan ni Jesus ne midtug̵utan sikandan dutun te menge etew.
