Marcos 11:31 - Manobo Western Bukidnon

³¹ Ne zutun mibpein-inseey sikandan is egkag̵i te, “Emun egkeg̵iyen tew he Megbevayà, ne ed-insà sikandin ke maan is wazè tew tuuwi si Juan.

Marcos 11:31 교차 참조

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

Marcos 11:30

Hentei is mibeg̵ey ki Juan Megbebewtismu te ketenged din te kebpemewtismu? Megbevayè be wey ke etew zà? Tevaka a.”

Marcos 11:32

Ne emun egkag̵i kiw he etew zà, ne egkepeukan kiw te menge etew.” (Umba migkag̵i zan heini su nahandek dan te menge etew su midtuu is langun he menge etew he ebpeneuven si Juan Megbebewtismu te Megbevayà.)

Juan 1:15

Ne heini si Juan, impesavut din ke hentei sikandin. Midhabet si Juan megkag̵i te, “Iyan heini sikan is etew he migkag̵i ku he ke siak te, ‘Duen etew he egkehuziyan kedìey he lavew pa kenà siak, su zengan te wazè e pa ianak, daan en sikandin,’ ” ke si Juan.

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Juan 1:34

Neehè ku en,” ke si Juan, “ne egkeg̵iyen ku keniyu he iyan sikandin sikan is Anak te Megbevayà.”

Juan 1:36

Ne neehè din en maan si Jesus is edsag̵ad. Ke si Juan te, “Iyan heeyan sikan is etew he iring te ibpemuhat he Nati he Kerehidu he imbeg̵ey te Megbevayà!”