Marcos 10:39 - Manobo Western Bukidnon

³⁹ Ne midtavak dan te, “Uya egkeantus dey.” Ne migkag̵i si Jesus te, “Benar iyan he ibpaantus keniyu is iring te merasey wey is kemereg̵enan he ibpaantus daan kediey,

Marcos 10:39 교차 참조

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 3:6

Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Marcos 14:31

Ne wazà mevenari zutun si Pedro, ke sikandin te, “Minsan pa ke edhimetayan a zuma kenikew ne kenà a egkag̵i he wazè ku sikew mekilala.” Haazà he lalag, iyan daan pesarig dutun te menge zuma zin he menge sumusundan.

Marcos 14:36

Ke sikandin dutun te ked-ampù din te, “Amey ku, egkehimu nu is minsan hengkey ne emun egkehimu zà ne kenà a kenikew ipehimetayi, iyan, kenà egkesunud is kediey he egkesuatan, kekenà, iyan egkesunud is kenikew.”

Juan 13:37

Ne migkag̵i med-uman si Pedro te, “Maan is kenà a ebpekezuma kenikew g̵untaan? Kenè ku sikew ed-ewaan minsan pa ke kinahanglan he ebpehimatey a tenged kenikew!”

Juan 15:20

Tentenuzi niw is migkag̵i ku keniyu he is sulug̵uen, kenà lavew te egalen din. Su ke mibpesipelahan e zan is egalen niw, iyan kew pe be kenè dan pesipelahi. Ke edtumanen te menge etew is kedì he penurù, edtumanen dan daan is keniyu.

Juan 17:14

Sikan is lalag nu he ibpepenurù nu kediey, impenurù ku en kandan, ne migkuntada sikandan te menge etew zini te kelibutan he kuntada nu su wazè dan upakat kayi iring te wazà daan kedì he upakat te menge kuntada nu.

Nengeulaula 12:2

Si Santiago, sikan is suled ni Juan, impetibas ni Hirudis su wey mebpatey.

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.