Lucas 9:38 - Manobo Western Bukidnon

³⁸ Ne zuen maama zutun he nengumew ki Jesus, ke sikandin te, “He Zatù, ahaa nu pa kedì heini is anak ku he maama. Sebsevaha heini he anak ku!

Lucas 9:38 교차 참조

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Lucas 7:12

Ne hein ebpekeuma zan en dutun te idselang dutun te inged ne nesinug̵ung dan is menge etew he ebpuun dutun te inged he edlanting te minatey su idleveng dan. Maama haazà is minatey he iyan dà anak dutun te meritan he valu. Mezakel is menge etew zutun te inged he miduma zutun te vahi he eduma te edleveng.

Lucas 9:37

Ne hein mid-ilis he andew, midtupang dan dutun te vuvungan ne utew mezakel he menge etew is nemenelavuk ki Jesus.

Lucas 9:39

Ahaa nu su edlelungen te mezaat he mulin-ulin ne emun ebpekeume en is edlalung kandin ne ebpeketik-ew ebpekeerang ne egkerkeren ne eburvuraan is bèbè din ne edsiguduwan sikandin ed-eyuwa te edlalung kandin taman te egkevug̵el is lawa zin ne egkeug̵et sikandin ed-engkezi te mezaat he mulin-ulin.

Juan 4:47

Ne hein nezineg din is tudtul he nekeuma si Jesus diyà te Geliliya he ebpuun te Hudiya, midhendiyà te ki Jesus ne midhengyuan din he medhendiyà te Kepirnaum su wey zin mevewii haazà is anak din su ebpatey en.