Lucas 7:40 - Manobo Western Bukidnon

⁴⁰ Ne zutun impezineg ni Jesus dutun te Perisiyu heini is lalag, ke sikandin te, “He Simon, duen egkeg̵iyen ku kenikew.” Ne ke si Simon te, “Hengkey?”

Lucas 7:40 교차 참조

Mateo 26:49

Ne hein nekeuma si Hudas, segugunè din mid-uvayi si Jesus ne migkag̵i te, “Na! Menunudlù!” Ne zutun midhezekan din si Jesus.

Mateo 7:22

Ne zutun keuzemà te andew te kedsilut, mezakel is ebpehizuhizu zini te kedìey he egkag̵i te, ‘He Nengazen, pinaag̵i te g̵ehem nu neketagnè key, ne nengeulian dey is ebpenlelungen te mezaat he mulin-ulin, ne mezakel is menge egkein-inuwan he nengehimu zey.’

Lucas 18:18

Ne zuen timpu he zuen sevaha he punuan he Hudiyu he mid-insà ki Jesus te, “He Zatù, utew meupiya is menge ulaula nu. Hengkey is ed-ul-ulahan ku wey a meveg̵ayi te untung he wazà pidtemanan?”

Lucas 5:22

Ne nesavut ni Jesus is diyà te isip dan ne migkeg̵iyan din sikandan te, “Maan is egkeisip niw is iring keniyan?

Lucas 5:31

Ne iyan midtavak dutun si Jesus, ke sikandin te, “Sikan is wazè din daru, ne kenà egkinahanglan he ebewian, kekenà, iyan dà is duen din daru.

Lucas 6:8

Ne si Jesus, netuenan din ke hengkey is netag̵ù diyà te isip dan ne migkeg̵iyan din haazà is etew he nezeetan is belad din te, “Mama, hitindeg ka ne uvey ka zini.” Ne midhitindeg haazà is etew ne mid-uvey ziyà te ki Jesus.

Lucas 7:39

Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”

Lucas 7:41

Ne ke si Jesus te, “Iyan heini is sempità. Dengan duen sevaha he etew he ebpeutang te selapì. Ne zuen dutun dezuwa he etew he nekeutang diyà te kandin. Is sevaha, ne lelima he g̵atus is neutang din ne is sevaha, ne kelimahan dà is kandin he neutang.

Juan 13:13

Iyan niw id-umew kedì is Menunudlù wey Egalen, ne hustu en heeyan su iyan a iyan egalen niw.

Juan 16:19

Ne netuenan ni Jesus he zuen egkesuatan dan he id-insà kandin umba migkag̵i sikandin te, “Iyan buwa id-insè niw ke hengkey is ibpesavut ku te migkag̵i ku g̵eina he nesipeg̵an en is timpu he kenà ad keniyu egkeahà, ne kenà daan utew egkeug̵et dutun ne egkeahà ad maan keniyu.

Juan 16:30

Nesavut dey en he netuenan nu is langun su minsan is id-insà kenikew, kenè en kinahanglan he egkeg̵iyen pa su netuenan nu en he zaan, umba edtuuwan dey en he sikew, diyà ka ebpuun te Megbevayà.”

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”