Lucas 5:5 - Manobo Western Bukidnon

⁵ Ne midtavak si Simon te, “Tivuuk he kezukileman is kebpenlaya zey ne wazè dey neutel he minsan sevaha, iyan, emun iyan heeyan lalag nu ne ed-uman key ebpenlaya.”

Lucas 5:5 교차 참조

Lucas 17:13

Ne mid-umew zan ki Jesus te, “He Zatù Jesus, ikehizu key kenikew!”

Lucas 8:24

Ne mid-uvayan dan si Jesus ne mibpukew zan, ke sikandan te, “He Zatù, egkengeg̵erè kiw en!” Ne nepukew zutun si Jesus ne mid-enew ne migkeg̵iyan din haazà is keramag wey haazà is menge zekelà he vag̵el he mebpeeneng-eneng dan, ne zutun ne mibmelinew utew haazà is ranew.

Lucas 8:45

Ne redsà dutun ne migkag̵i si Jesus te, “Hentei is migawed kedì?” Ne is menge etew zutun, pudu mibarew he wazè dan mekeg̵awed. Ne migkag̵i si Pedro te, “Datù, maan is ebpenginginsè ke pa te iring keniyan, te hanu man mezakel utew he menge etew is edlilipitlipit diyan te kenikew.”

Lucas 9:33

Ne hein ed-awè en diyà te kandin haazà is dezuwa, migkag̵i si Pedro te, “Nengazen, utew meupiya te zini key. Ebeelan dey is tetelu he lawig; sevaha is kenikew, sevaha zaan is ki Moises, ne sevaha is ki Elias.” Wazà metentenuzi ni Pedro he nengekag̵i zin heini is lalag.

Lucas 9:49

Ne zutun migkag̵i si Juan te, “Duen etew he neuma zey he ebewian din is menge etew he edlelungen te mezaat he mulin-ulin ne egemiten din is gehem te ngazan nu te kebpemawì. Ne midawey zey su kenà ebpekiduma kenitew.”

Juan 15:14

Menge emig̵u ku sikiyu ke edtumanen niw is idsug̵ù ku keniyu.

Juan 2:5

Ne is iney zin, migkeg̵iyan din is menge sulug̵uen te, “Tumana niw is minsan hengkey he sug̵ù din keniyu.”

Juan 21:3

Ne migkag̵i si Pedro te, “Ebpenlaya a te pait.” Ne migkag̵i haazà is menge zuma zin te, “Eduma key kenikew.” Ne mid-untud dan te avang ne mibpenlaya zan dutun te tivuuk he kezukileman, iyan, kenè dan ebpekeutel.