Lucas 5:1 - Manobo Western Bukidnon

¹ Sevaha he andew te ziyà si Jesus te veyvey te ranew he egngezanan te Giniserit, utew mezakel he menge etew is nengetipun su ebpememineg dan te Lalag te Megbevayà he ibpenurù din.

Lucas 5:1 교차 참조

Mateo 11:12

Puun pa zutun te kebpesavut ni Juan taman en guntaan, is Megbevayà he ziyà te langit, edteg̵el he mekehadì, ne edteg̵el zaan is menge etew wey zan mekepehadì kandin.

Mateo 14:34

Ne hein nekeuma zan en diyà layun, nekezunggù dan diyà te inged he Giniserit.

Marcos 3:9

Ne migkeg̵iyan ni Jesus is menge sumusundan din he megkuwa zan te avang su wey zin meuntuzi emun egkelipitlipit sikandin te utew mezakel he menge etew.

Marcos 4:1

Ne sevaha he andew zutun diyà te veyvey te ranew mid-uman penurua ni Jesus is menge etew. Ne utew mezakel is menge etew he nengeamur-amur ziyà te kandin, ne tenged kayi mid-untud sikandin diyà te avang he uvey zutun te veyvey ne zutun mebpinuu. Ne is menge etew, diyè dan dà te veyvey is ebpememineg kandin.

Marcos 5:24

Ne midumahan sikandin ni Jesus. Ne zutun te ziyè dan te zalan egkengelipitlipit dan en su mezakel is nemenduma kandin he menge etew.

Marcos 6:53

Ne hein nekeuma zan diyà layun dutun te ranew nekezunggù dan diyà te inged he Giniserit.

Lucas 12:1

Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Lucas 5:2

Ne naahà ni Jesus is dezuwa he avang diyà te veyvey he wazà dutun mid-untud su midrenà dutun is menge teg̵ig̵aked su edlumpiyuwan dan is menge laya zan.

Lucas 8:22

Sengeandew zutun ne mid-untud si Jesus wey is menge sumusundan din te avang. Ne ke sikandin te, “Kuwa kew en su edlayun kiw ziyà layun.” Ne zutun migenat dan is ed-aavang.

Lucas 8:23

Ne zutun te ked-aavang dan ne nekelipezeng si Jesus. Ne nesug̵at haazà is ranew te mevendes he keramag ne egketeg̵uan en te wahig haazà is avang dan ne amaama zan kenà melavu.

Lucas 8:33

Ne iyan dà haazà, ne mid-awè dan dutun te maama ne midhalin dan dutun te menge vavuy. Ne haazè dà ne nemelelag̵uy haazà is menge vavuy petupang dutun te utew mesilid he kelendig̵an ne mid-agbur zan diyà te ranew ne naamin dan mengelened.

Lucas 8:45

Ne redsà dutun ne migkag̵i si Jesus te, “Hentei is migawed kedì?” Ne is menge etew zutun, pudu mibarew he wazè dan mekeg̵awed. Ne migkag̵i si Pedro te, “Datù, maan is ebpenginginsè ke pa te iring keniyan, te hanu man mezakel utew he menge etew is edlilipitlipit diyan te kenikew.”

Juan 1:40

Iyan si Andres sevaha zutun te zezuwa he nekezineg te migkag̵i ni Juan wey miduma ki Jesus. Telesuled si Andres wey si Simon he migeraran ki Pedro.

Juan 6:1

Ne neipus heini mid-awà si Jesus dutun ne midhendiyà te tanà he ziyà layun te ranew he Geliliya, he migngezanan daan te Tibiryu.

Hibriyuhanen 13:7

Kenè niw lipati is menge egalen niw te nengehuna he timpu he nekepenurù keniyu te Lalag te Megbevayà. Isipa niw is meupiya he nehimu pinaag̵i te menge ulaula zan ne iring kandan hemeni niw is kedtuu niw ki Jesu Kristu.