Netuman en diyà te kandan kes insurat ni Esaias he migkag̵i te Megbevayà su ke sikandin te, ‘Ebpurung dan ebpemineg, iyan, kenè dan ebpekesavut. Ebpurung dan edtengteng, iyan kenè dan ebpekeahà.
Ne zutun midlulun ni Jesus haazà is belesahan ne induwal zin diyà te miduwal kandin ne mibpinuu su ebpenurù. Ne is langun he menge etew zutun, midtengtengan dan sikandin su ebpemineg dan.
Ne haazà is menge etew he nevurun dutun, nevenaran sikandan te menge penurù din, iyan, utew zan nengeinuinu su utew sikandin metau he edseysey. Ne ke sikandan te, “Kenè be anak heeyan ni Jose?”
Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,
Impesavut dengan te Megbevayà pinaag̵i te tagnà te ebpemeneuven din he edresayen te menge etew is mibpilì din he ibpahadì. Ne midhimu zin he metuman heini pinaag̵i te mid-ulaula niw.
