35 Ne zutun, haazà is dezuwa he ebpuun te Imawus, ne mibpenudtul zan ke hengkey is nehitavù kandan diyà te zalan. Ne midtudtul zan daan he zutun dan en mekilala si Jesus hein mibpenevì din en is supas dutun te kegkaan dan.
Ne te kada andew ebpemineg dan te ibpenurù kandan te menge epustul. Mibpekid-upakat dan te langun he menge tumutuu ne mibeelan dan te tedeman is kebpatey ni Jesus pinaag̵i te kegkaan te supas ne layun dan ed-ampù.
