Lucas 21:16 - Manobo Western Bukidnon

¹⁶ Ne zutun he timpu minsan is menge g̵inikanan niw, is tempezè niw en te pused, is menge kezuzumahi niw, wey is menge emig̵u niw, ne ebpalad dan keniyu ziyà te menge hukmanan. Ne zuen duma keniyu he egkehimetayan dan.

Lucas 21:16 교차 참조

Mateo 10:21

Su zutun he timpu zuen menge etew he ibpehimetayan dan is menge suled dan. Ne zuen daan menge amey he ibpehimetayan dan is menge anak dan. Ne zuen menge etew he egkuntedahan dan wey ibpehimetayan dan is menge lukes dan.

Marcos 13:12

Ne zutun he timpu zuen menge etew he ibpehimetayan dan is menge suled dan. Ne zuen daan menge amey he ibpehimetayan dan is menge anak dan. Ne zuen menge etew he egkuntedahan dan wey ibpehimetayan dan is menge lukes dan.

Lucas 12:53

Ebpekigkuntada is maama te anak din he maama ne is anak, ne ebpekigkuntada te amey zin. Ne is bahi, ne ebpekigkuntada te anak din he vahi ne is anak din, ne ebpekigkuntada zaan te iney zin. Ne ke zuen bahi, ne ebpekigkuntada te ambey zin. Ne egkuntedahan daan sikandin te ambey zin.”

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Lucas 21:17

Egkuntedahan kew te langun he menge etew tenged te sumusundan ku sikiyu.

Nengeulaula 12:2

Si Santiago, sikan is suled ni Juan, impetibas ni Hirudis su wey mebpatey.

Nengeulaula 7:59

Ne zutun te kedtulenga zan ki Esteban, nengumew-umew sikandin te Nengazen. Ke sikandin te, “He Jesus he Nengazen ku, dewata nu is gimukud ku.”

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.

Impezayag 6:9

Ne in-awà dutun te nati he kerehidu haazà is ikelima en he tiyap dutun te velesahan. Ne neehè ku zutun te zizalem te vangkù he pemuhatà is menge g̵imukud te menge etew he midhimetayan tenged te kedtuu zan te Lalag te Megbevayà wey tenged daan te kedsengyawa zan dutun te lalag.