Lucas 2:7 - Manobo Western Bukidnon

⁷ ne in-anak din is maama he iyan en pengenayan. Ne mibukusan din haazà is batà te malung ne impehizeg̵è din diyà te selemakà te kudà su wazè dan ed-ereg̵an dutun te valey he ebpehizeg̵aan te etew su neenget en te etew.

Lucas 2:7 교차 참조

Mateo 1:25

Iyan, wazè din si Maria uvayi taman te wazè pa mekeanak. Ne hein in-anak en haazà is batà, migngezanan ni Jose ki Jesus.

Mateo 13:55

Anak dà sikandin te pandey. Ne si Maria is iney zin; ne menge hazi zin, ensi Santiago, si Jose, si Simon, wey si Hudas.

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Lucas 10:34

Ne mid-uvayan din ne mibewian din te lana wey vinu is menge palì dutun ne mibukusan din te manggad. Ne zutun mibitbit din ne in-untud din te kudè din ne mid-uwit din diyà te valey he hulevungà te menge etew ne zutun mibpurungan din elimahi.

Lucas 2:6

Ne hein diyè dan en te inged he Bitlihim, netuman is ked-anak ni Maria,

Lucas 2:8

Ne iyan daan haazà he kezukileman, te uvey zutun he inged duen menge etew ziyà te penebtavà su ibpepenabtab dan is menge ayam dan he kerehidu.

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,