23 Ne kuwaa niw sikan is nati he vaka he impelambù ku ne lepaa niw su egkaan kiw ne edlipey kiw.
Iyan, haazà is amey zin, mid-umew zin is menge sulug̵uen din dutun te valey, ne ke sikandin te, ‘Ihated niw pa zini sikan is meupiya he ugelingen, ne isun-ud niw ziyà te kandin. Sisingi niw is tezù din wey sun-uzi niw te sepatus is menge paa zin.
Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.
