Lucas 14:33 - Manobo Western Bukidnon

³³ Ne iring din ded daan,” ke si Jesus, “su sikiyu is edsundan kediey, kenè kew egkehimu he tutuu he menge sumusundan ku emun kenè egkeawà diyà te g̵ehinawa niw is ked-engkezi niw te langun he egkenug̵unan niw.”

Lucas 14:33 교차 참조

Lucas 14:26

“Sikan is etew he egkesuat he edsundan kediey, iyan, iyan dekelà diyà te g̵ehinawa zin is ginikanan din, esawa zin, menge anak din, menge suled din, ne emun kenà, ne iyan dekelà diyà te g̵ehinawa zin is keugelingen din he lawa, ne kenà egkehimu he tutuu sikandin he sumusundan ku.

Lucas 14:32

Ne emun egkevelansi zin he kenà ebpekesukul is menge sundaru zin, ne meupiya pa ke edsug̵uen din is menge sulug̵uen din dutun te kuntada zin te meziyù pa is menge sundaru te kuntada zin su wey zan mebpehusayà te wazè pa mekevulug mekedtebek is menge sundaru zan.

Lucas 5:11

Ne zutun mid-uwit dan haazà is menge avang dan diyà te g̵eunan, ne mid-ewaan dan dutun is langun ne midsundan dan ki Jesus.

Lucas 5:28

Ne zutun ne mid-ewaan ni Levi is minsan hengkey zutun ne midsunud ki Jesus.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

Hibriyuhanen 11:26

Neisip din he tuwas pa he meupiya is ked-entusa zin te kedlupig̵i kandin tenged te kedsarig din te mibpilì he hadì he ibpevulus te Megbevayà keuzemà, kenà is dekelà he ketig̵eyunan he egkekuwa zin diyà te Ihiptu. Su iyan hustu he edteg̵azan din is langun he meupiya he ibeg̵ey kandin te Megbevayà keuzemà.