Lucas 12:35 - Manobo Western Bukidnon

³⁵ Ne impezineg en maan ni Jesus is sempità, ke sikandin te, “Andam kew he zaan su wey kenè kew metingkemed te minsan hengkey. Iringi niw is sulug̵uen he edtag̵ad te egalen dan he ebpuun te eseweey he midtelavuk din.

Lucas 12:35 교차 참조

Mateo 25:1

“Dutun te kedlikù ku, is kedhadì te Megbevayà, ne iring te sempità he sepulù he rag̵a he netukid te sulù su edsinug̵ungen dan is ebpengesawa.

Mateo 5:16

Ne iring din ded daan is menge ulaula niw he meupiya; kinahanglan he kenè niw ieles. Ipeehè niw te menge etew is menge ulaula niw he meupiya ne tenged kayi ebpekezalig dan te Amey tew he Megbevayà he ziyà te langit.

Lucas 12:36

Su haazà is menge sulug̵uen, ne layun dan ed-andam ne kenè dan ed-evukan is sulù dan ne emun ebpekeuma haazà is egalen dan ne ebpenelehuzan diyà te pultahan ne petuluy zan egkepuwasi.

Ipisu 6:14

Ne tenged kayi, andam kew en. Layun tutuu is egkeg̵iyen niw wey ed-isipen niw ne iyan heini bakes niw. Ul-ulaha niw layun is metazeng he ulaula ne iyan heini limbutung niw.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.