30 Su is iring keniyan, ne iyan igkengeseeng te menge etew he wazà medtuu te tutuu he Megbevayà, iyan, sikiyu mulà, kenè niw ikeseeng is iring dutun su is Amey niw he Megbevayà, netuenan din he egkinehenglanen niw heini is langun.
Su is egkeg̵iyen niw zutun, ne kenà menge lalag he ebpuun te keniyu he isip, kekenà, diyà ebpuun te Wag̵as he Mulin-ulin he midsug̵ù te Amey tew he Megbevayà. Ne heini is Wag̵as he Mulin-ulin, iyan ebekà te menge vebè niw.
Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.
“Kinahanglan he kenà iyan idsimbaha niw te Megbevayà su wey mezalig kew te menge etew. Su emun iyan heini ulaula niw, kenè kew edsuhulan keuzemà te Megbevayà he Amey tew ziyà te langit.
Iyan heini igkeseeng te menge etew he wazà medtuu te tutuu he Megbevayà. Iyan, is Amey tew he Megbevayà he ziyà te langit, netuenan din he zaan he egkinehenglanen niw is iring kayi.
Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.
Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”
Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.
