33 Ne mid-uman megkag̵i si Jesus te, “Wazà etew he edtemteman din is sulù ne id-eles din, ne emun kenà, ne ebpelengkevan din te revan, kekenà, diyè din idsavuk te sevukà, ne emun duen etew he edseled ne egketeyawan.
Is menge lalag ku he iyan kew zà nekezineg, ipenudtul niw ziyà te minsan hentei. Is idnaasnaas ku keniyu, isangyew niw ziyà te langun he menge etew.
Ne midtavak si Jesus te, “Sepulù wey zezuwa he uras is sengeandew, ne ke zuen edhipanew te maandew kenà ebpekesipà su egketeyawan sikandin te andew.
Umba midhendini a is kerayag te kelibutan su wey ku meteyawi is isip te menge etew. Ne ke zuen edtuu kedì, kenè en egkerusireman is isip din.
