Lucas 10:6 - Manobo Western Bukidnon

⁶ Ne emun dait he edtuvazan is etew zutun dekelà is tuvad te Megbevayà kandan. Ne emun kenà, ne kenà sikandan edleusan edtuvazi te Megbevayà.

Lucas 10:6 교차 참조

Lucas 10:5

Ne ke hendei is baley he ebpemenehikan niw ne penelehuzan kew. Kag̵i kew te, ‘Sikiyu is meg̵inged kayi, tuvazi kew te Megbevayà.’

Lucas 10:7

Ne haazà is baley he zuen etew he egalewg̵alew keniyu, ne zutun kew pundu taman te kegenat niw. Ne zewata niw is minsan hengkey he ibpekaan dan wey ibpeinum dan keniyu su iring te suhul zan keniyu. Dait is edterebahu he edsuhulan. Kenè kew en penhalinhalin pa maan diyà te zuma pa he menge valey.

Ipisu 5:6

Su tenged kayi he menge ulaula, utew egkepeuki te Megbevayà keuzemà is menge etew he kenà ebpemineg te menge sug̵ù din. Ne tenged dutun, kenè niw itug̵ut he meketuu kew te tarù he penurù te minsan hentei he etew pinaag̵i te menge ketezengan dan he kenà tutuu.

2 Tiselunika 3:16

Berakat he iveg̵ey keniyu te Nengazen is melinawen he g̵ehinawa te minsan keenu he timpu wey te minsan hengkey is kebpekesavuk niw. Iyan sikandin ebeg̵ey te kelinew. Dumahi kew is langun te Nengazen.

Santiago 3:18

Iring te venì is kelinew. Ibpemula te menge menhuhusey ne iyan egkerag̵un dutun is metazeng he menge ulaula.

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.