Lucas 10:19 - Manobo Western Bukidnon

¹⁹ Tentenuzi niw heini he mibeg̵ayan ku sikiyu te g̵ehem he minsan ke ebpekeg̵iek kew te uled wey venayew ne kenè kew edhereg̵en. Ne kenè kew zaan egkezaag te g̵ehem te ukag tew he si Setanas ne wazà minsan hengkey he ebpekekaid keniyu.

Lucas 10:19 교차 참조

Marcos 16:18

Ne minsan ke ebpekeg̵awed sikandan te menge uled wey ebpekeinum sikandan te minsan hengkey he edhilu, kenà sikandan egkekeizan. Ne emun edempaan dan is egkengezeruwan, ne egkengeulian.”

Lucas 11:12

Ne emun impis is ebuyuen din, kenà daan egkehimu he venayew is ibeg̵ey niw.

Nengeulaula 28:5

Iyan, bà dà impirik ni Pablo haazà is uled ne neulug dutun te hapuy ne wazà sikandin mekeizi te uled.

Ruma 16:20

Ne emun iyan heini egkehitavù, is Megbevayà he iyan puunà te kelinew, meg̵aan din en edhimuwa he mepurung niw mezaag si Setanas. Berakat he ikeg̵ag̵ew kew te Nengazen tew he si Jesu Kristu.

Impezayag 11:5

Ne heini is dezuwa, ke zuen ebpesipala kandan, diyà te vèbè dan edlepew is hapuy ne egkeamin egketutung is menge kuntada zan. Ne pinaag̵i kayi edhimetayan dan is minsan hentei he egezam kandan ebpesipala.