Juan 9:2 - Manobo Western Bukidnon

² Ne mid-insaan si Jesus te menge sumusundan din, ke sikandan te, “He Menunudlù, hentei vuwa is mid-ulaula te mezaat, iyan be heini is lakap wey ke iyan be is iney zin wey ke amey zin be su maan is te ked-enaka kandin daan en he lakap?”

Juan 9:2 교차 참조

Mateo 16:14

Ne midtavak dan te, “Is duma, ne iyan ke kun si Juan Megbebewtismu he nevanhew. Ne is duma, ke sikandan te, iyan ka si Elias. Ne egkag̵i is duma pa te si Jeremias ka, ne emun kenà, ne sevaha ka zuen te ebpemeneuven dengan te Megbevayà.”

Mateo 23:7

Utew ibmeupiya te g̵ehinawa zan ke edtehuzen sikandan te menge etew ziyà te tiyenggiyan wey ke ed-umawen sikandan he ‘menunudlù.’

Mateo 23:8

Kenè niw itug̵ut he iyan id-umew keniyu is ‘menunudlù’ su teltelesuled kew is langun ne sebsevaha zà is menunudlù niw he iyan a.

Lucas 13:2

Ne migkag̵i kandan si Jesus te, “Kunaan niw vuwa ke lavew pa he mekesesalà haazà is menge tigGeliliya, kenà is menge zuma zan he tigGeliliya, ne tenged dutun intug̵ut te Megbevayà he edhimetayan sikandan.

Juan 4:31

Ne zutun te kemulu pa haazà is bahi ziyà te inged, migkeg̵iyan si Jesus te menge sumusundan din te, “Datù, kaan ka.”

Juan 9:1

Ne zutun te kedhiphipanew ni Jesus, neehè din is etew he puun pa te ked-enaka kandin ne lakap en.

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Nengeulaula 28:4

Ne is menge etew he meg̵inged dutun hein neehè dan haazà is uled he mibpikit diyà te velad ni Pablo, mibpelelelag̵è dan he egkag̵i te, “Memumunù bes heini su maan is wazà sikandin mekelikey te silut kandin; su minsan te nelibri en sikandin, su wazà melened diyà te zag̵at, egkepatey g̵ihapun.”