Juan 8:6 - Manobo Western Bukidnon

⁶ Iyan ingkeg̵iya zan dutun su ebpen-ahaan dan si Jesus te sayep su wey zan ikesumbung sikandin. Iyan, midtikintikin si Jesus dutun, ne insurat din is tezù din diyà te tanà.

Juan 8:6 교차 참조

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 15:23

Iyan, kenà edseg̵ipaan ni Jesus. Ne zutun, mid-uvayan si Jesus te menge sumusundan din; ne midhangyù dan he ke sikandan te, “Ipeulì nu heeyan is bahi su kenà edsuwey kenitew he ebpekeuringer.”

Mateo 16:1

Duen menge Perisiyu wey Sedusiyu he midhendiyà te ki Jesus su egezamen dan sikandin. Umba mid-insaan dan, ke sikandan te, “Ipeehè key te singyal he tuus he sug̵ù ka te Megbevayà.”

Mateo 19:3

Duen menge Perisiyu zutun he midhendiyà te kandin su ebpengahaan dan te paag̵i sikandin wey zan ikesumbung. Ne mid-insaan dan sikandin te, “Intug̵ut be te kesug̵uan is ked-engkezi ta te esawa ta minsan ke wazè ta utew ketezengan?”

Mateo 22:18

Ne netuenan ni Jesus ke hengkey is mezaat he ziyà te g̵ehinawa zan ne ke sikandin te, “Teruen kew, maan is egezaman a keniyu?

Mateo 22:35

Ne is sevaha zutun, menunudlù te kesug̵uan. Ne migezaman din dekepa is ketezengan ni Jesus pinaag̵i te menge insà.

Mateo 26:63

Ne wazà medtavak si Jesus. Ne mid-uman megkag̵i haazà is lavew he memumuhat te, “Tangdù ka su kayi ka te etuvangan te Megbevayà he wazè din kemetayen. Emun iyan ka sikan is Anak te Megbevayà, sikan is mibpilì din he ibpahadì, keg̵iya nu,” ke sikandin.

Marcos 10:2

Ne zutun, duen menge Perisiyu he mid-uvey ziyà te ki Jesus su ebpengahaan dan is paag̵i te kedsumbunga kandin. Ke sikandan te, “Idtug̵ut be te kesug̵uan is ked-engkezi ta te esawa ta?”

Marcos 12:15

Ne netuenan ni Jesus he akal haazà is netag̵ù diyà te g̵ehinawa zan, ne ke sikandin te, “Maan is egezaman a keniyu? Ipeehè niw kediey ke memenumenu is selapì he ibayad niw te vuhis diyà te hadì he ziyà te Ruma.”

Marcos 3:2

Ne zuen menge kuntada ni Jesus dutun ne mibentayan dan si Jesus su ed-ahaan dan ke ebewian din haazà is etew zutun te andew su Andew te Kedhimeley haazà. Su emun ebewian ni Jesus haazà is etew ne idsumbung dan he midsupak din is Andew te Kedhimeley.

Marcos 8:11

Ne hein nekeuma zan en, midhendiyà te ki Jesus is menge Perisiyu ne mibpekidlewanè dan kandin. Migkeg̵iyan dan sikandin he mebpaahà sikandin te singyal he egkein-inuwan he tuus he sug̵ù sikandin te Megbevayà. Umba migkag̵i zan haazà su egezaman dan sikandin.

Lucas 10:25

Ne zutun duen sevaha he etew he menunudlù te menge kesug̵uan te menge Hudiyu he midhitindeg su egezaman din edekepa is ketezengan ni Jesus pinaag̵i te menge insà, ne ke sikandin te, “He Zatù, hengkey is ed-ul-ulahan ku wey a meveg̵ayi te untung he wazà pidtemanan?”

Lucas 11:16

Ne zuen pa zutun menge etew he egezaman dan si Jesus. Midhangyù dan he ibpeehè din is egkein-inuwan su ed-ahaan dan ke tutuu ve he midsug̵ù sikandin te Megbevayà.

Juan 8:2

Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

1 Kurintu 10:9

Ne kenè tew zaan egezaman is ked-entusa kenitew te Megbevayà su iyan heini mid-ulaula te zuma kandan ne iyan silut kandan dutun is: mibpendunghul sikandan te menge uled ne nemematey zan.