Juan 8:2 - Manobo Western Bukidnon

² Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

Juan 8:2 교차 참조

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Lucas 21:37

Ne kada andew zutun ne ebpenurù si Jesus diyà te simbahan he Valey te Megbevayà. Ne te kada mezukilem ne edhendiyà sikandin te vuvungan he egngezanan te Ulivuwan su zutun sikandin edhizeg̵à.

Lucas 21:38

Ne is langun he etew zutun te inged, ne edselemselem dan edhendutun te Valey te Megbevayà su ebpemineg dan te menge penurù din.

Lucas 4:20

Ne zutun midlulun ni Jesus haazà is belesahan ne induwal zin diyà te miduwal kandin ne mibpinuu su ebpenurù. Ne is langun he menge etew zutun, midtengtengan dan sikandin su ebpemineg dan.

Lucas 5:3

Ne mid-untud si Jesus dutun te sevaha he avang he g̵aked ni Simon ne impehalin din ki Simon haazà is avang te malù ebpekeziyù dutun te veyvey. Ne mibpinuu si Jesus dutun te avang ne mibpenurù din is utew mezakel he menge etew.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 8:20

Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.

Juan 8:3

Ne is menge Perisiyu wey menge menunudlù te kesug̵uan, mid-uwit dan diyà te kandin is bahi he nesekazan dan dutun te kedselselai zin te esawa zin. Ne impeetuvang dan ki Jesus dutun te teliwazà te menge etew haazà is bahi.

Nengeulaula 5:21

Ne hein nepawà dutun, midhendiyè dan te simbahan he egngezanan te Valey te Megbevayà ne mibpenurù dan. Ne nekeuma zutun te simbahan is lavew he memumuhat wey menge zuma zin, ne mibpenenawag haazà is lavew he memumuhat he medtig̵um is menge ebmeg̵urangen wey is menge punuan te menge Hudiyu, ne zuen daan midsug̵ù din diyà te pirisuwan su ebpeveyaan sikan is menge epustul.