2 Ne hein netapus te menge sundaru haazà is kebug̵ela zan kandin, mibengkulè dan is dug̵iyen he g̵awed ne insuup dan diyà te ulu zin. Ne zutun impekukumbalè dan kandin is merig̵à he kumbalà su uvag hadì.
Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.
Ne zutun midlawang si Jesus he kemulu midsuupan is ulu zin te zug̵iyen wey midsun-uzan te merig̵à he kumbalà. Ne migkag̵i si Pilatu te, “Tengtengi niw sikandin!”
