Juan 18:36 - Manobo Western Bukidnon

³⁶ Ne midtavak si Jesus te, “Is keg̵ehem ku te kedhadì, kenà dini ebpuun te kelibutan. Su ke zini ebpuun mibpekidtebek en geina is menge sakup ku wey a kenà mezakep te menge Hudiyu, iyan, kenà dini te kelibutan ebpuun is keg̵ehem ku te kedhadì.”

Juan 18:36 교차 참조

Mateo 26:53

Wazè nu ve metueni he emun ebpetavang a te Amey ku he Megbevayà ne edliblibuwen is ibpehendini zin he velinsug̵uen din?

Lucas 12:14

Ne midtavak si Jesus te, “Wazè ku kelavet keniyan su kenà a iyan edhusey keniyu.”

Juan 18:35

Ne midtavak si Pilatu te, “Hudiyu e ve! Is menge zuma nu he Hudiyu wey is menge punuan he memumuhat, iyan mid-uwit kenikew zini. Hengkey is salè nu?”

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.

Juan 8:15

Emun edsusi kew te ulaula te etew, kenà egkeserig̵an is kedhukum niw, su pinaag̵i te kelibutanen dà he isip is kedhukum niw. Siak, kenà a edhukum te minsan hentei.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

1 Timoteo 6:13

Ebpeketistig̵us is Megbevayà wey si Jesu Kristu he ebpeketelteleenan ku sikew he purungi nu tumana he wazà sayep is insug̵ù ku kenikew taman te kenè pa edlikù is Nengazen tew he si Jesu Kristu. Is Megbevayà, iyan ebpengelintau he meuyag is langun he menge linimbag din; ne si Jesus, iyan nekepenistig̵us mehitenged te tutuu he tuluuwen diyà te etuvangan ni Punsyu Pilatu.