Ne zutun, haazà is menge etew he midakep ki Jesus, mid-uwit dan sikandin diyà te ki Keyipas he lavew he memumuhat. Ne zutun, daan en he netig̵um is menge menunudlù te kesug̵uan wey is menge ebmeg̵urangen te menge Hudiyu.
Si Pedro wey is sevaha pa he sumusundan, edteltelukun dan ki Jesus. Ne haazà he sumusundan, nekilala sikandin te lavew he memumuhat ne tenged dutun miduma ki Jesus ne midseled dutun te lama te valey te lavew he memumuhat.
