Juan 18:16 - Manobo Western Bukidnon

¹⁶ Ne si Pedro mulà, diyè dà sikandin te g̵awas uvey te pultahan. Ne zutun midlawang is sevaha he sumusundan he kilala te lavew he memumuhat ne midlelag̵an din haazà is bahi he impevantey zutun te pultahan ne impeseled din si Pedro.

Juan 18:16 교차 참조

Mateo 26:69

Ne si Pedro, diyà te lama is ebpimpinuu. Ne zuen sulug̵uen he vahi he mid-uvey ziyà te kandin is egkag̵i te, “Sikew, duma ka zaan ni Jesus he tigGeliliya.”

Mateo 27:15

Ne iyan neleyaman ni Pilatu is: kada tuig, emun Pista en te Kedlevayi, edlibriyen din is sevaha he pirisu ke edhengyuen te menge etew.

Marcos 15:6

Iyan neleyaman ni Pilatu is: kada tuig emun Pista en te Kedlevayi, edlibriyen din is sevaha he pirisu he edhengyuen te menge etew.

Lucas 23:18

Ne hein nezineg te mezakel he etew haazà is migkag̵i ni Pilatu ne mibpememensag dan te, “Ipehimetayi nu heeyan he etew, ne iyan nu ipeg̵awas si Berabas!”

Nengeulaula 12:13

Ne midteg̵uktuk ni Pedro is pultahan te ibpeg̵unselang dutun te lama. Ne zuen dutun sulug̵uen he vahi he egngezanan ki Ruda ne mid-ehè din su edsusiyen din ke hentei.