10 Duen ubpit ni Simon Pedro ne midhulavut din ne midtibas din is sulug̵uen te lavew he memumuhat ne netenaan haazà diyà te kewanan he telinga ne nesapla haazà is telinga zin. Is ngazan dutun te sulug̵uen, si Malkus.
Ne ke si Jesus diyà te ki Pedro te, “Benar is egkeg̵iyen ku he te kenè pe kan ed-ukarà is manuk te kezezuwa g̵untaan te mezukilem ne ketetelu ke en ebpekekag̵i he kenà a kenikew egkekilala.”
Iyan, sevaha te zaan he etew zutun, midhulavut din is sundang din ne midtibas din is sulug̵uen te lavew he memumuhat ne netenaan haazà diyà te telinga ne nesapla haazà is telinga zin.
Ne zuen daan dutun sevaha he sulug̵uen te lavew he memumuhat. Haazà he sulug̵uen, megeget duen te nelepungan ni Pedro te telinga. Ne migkeg̵iyan din si Pedro te, “Henduen be te neehè ku sikew g̵eina ziyà te midekepan ki Jesus. Duma ke zin buwa?”
