Juan 14:2 - Manobo Western Bukidnon

² Mezakel is menge egkeubpaan diyà te ed-ubpaan te Amey ku, su ke kenà tutuu heini, wazè ku g̵eina sikiyu keg̵iyi he edhendiyà a te ked-andam te egkeubpaan niw.

Juan 14:2 교차 참조

Lucas 14:22

Ne hein nekeulì en haazà is midsug̵ù ne migkeg̵iyan din haazà is egalen din te, ‘Nemekeume en is menge etew he impeveyaan nu, iyan, wazè pa meenget heini is baley.’

Juan 13:33

Sikiyu is menge minahal ku he menge sumusundan, egketegteg̵aad dà guntaan ne egkeawaan ku en sikiyu. Ebpen-ahaan a keniyu ne iring te migkag̵i ku ziyà te menge Hudiyu, egkeg̵iyen ku zaan dini te keniyu he ke hendei a ebpevayà kenè kew ebpekezuma.

Juan 13:36

Ne zutun migkag̵i ki Jesus si Simon, kes migeraran ki Pedro, ke sikandin te, “Ebpehendei ka?” Ne midtavak si Jesus te, “Ke hendei a ebpevayà kenè kew pa ebpekezuma; iyan, keuzemà ebpeketelukun kew g̵ihapun.”

Juan 14:28

Nezineg niw is migkag̵i ku he ed-ewaan ku sikiyu ne edlikù e zed dini te keniyu. Angin ke tutuu he mahal a ziyà te g̵ehinawa niw su igkelipey niw pezem heini su g̵untaan egkehimu he ed-ulì a ziyà te Amey ku he iyan lavew kenà a.

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Juan 17:24

Amà, is menge etew he imbeg̵ey nu kediey, egkesuatan ku he ziyè dan mekeamur te kediey diyà te ed-ubpaan ku keuzemà wey zan maahà is mekeg̵eg̵ehem he anlag ku he imbeg̵ey nu kediey zengan te wazè pa tukuza heini is kelibutan. Umba mibeg̵ayan a kenikew te anlag su mahal a ziyan te g̵ehinawa nu.

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

2 Kurintu 5:1

Is lawa ta, ne iring te valey he egkeubpaan ta. Ne netuenan ta he ke egkerundus heini is baley, duen baley he egkeubpaan ta ziyà te langit he iyan is beg̵u he lawa he ibeg̵ey te Megbevayà. Kandin he vaal heini ne wazè din pidtemanan.

1 Tiselunika 5:9

Su is Megbevayà, wazè din ivanglis kenitew is silut, kekenà, midluwas kiw zin pinaag̵i te Nengazen tew he si Jesu Kristu.

Hibriyuhanen 11:10

Su si Abraham, ne iyan hustu he ebperetengen din he inged sikan is inged diyà te langit he kenà egkezeetan te wazè din pidtemanan. Ne iyan mibpelanu wey mibaal kayi is Megbevayà.

Hibriyuhanen 13:14

Su kenà ebpedayun is kebpekeubpè tew kayi te kelibutan, kekenà, ebperetengen tew pa is tutuu he inged tew keuzemà he iyan ed-ubpaan tew te wazè din pidtemanan.

Hibriyuhanen 9:8

Iyan heini ulaula te menge memumuhat dutun te simbahan, ne pinaag̵i kayi ibpesavut kenitew te Wag̵as he Mulin-ulin he te kemulu pa kinahanglan he egemiten haazà is egkehuna he rug̵u he egngezanan te mahal he rug̵u, kenè pa ebpekeseled is menge etew zà duen dutun te utew mahal he rug̵u.

Impezayag 21:2

Ne zutun neehè ku is inged te Megbevayà he Veg̵u he Hiruselim he idlugtanà he ebpuun te Megbevayà diyà te langit. Utew mekempet haazà is inged su is kekempet din ne iring te kekempet te vahi he ed-esewaan he nepurungan mebistiyi.

Impezayag 3:12

Is minsan hentei he ebpekezaag ki Setanas, edhimuwen ku sikandin he metahud su edhimuwen ku sikandin he iring te tukud diyà te valey ziyà te langit he zutun ed-ezapa is Megbevayè ku ne kenà haazà is tukud igkeawà dutun. Ne idsurat ku ziyà te kandin is ngazan te Megbevayè ku wey is ngazan te inged te Megbevayà he iyan sikan is inged he veg̵u he Hiruselim he ebpenaug he ebpuun te Megbevayà diyà te langit wey elin daan idsurat ku ziyà te kandin is beg̵u he ngazan ku.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.