28 (Ne wazà minsan hentei kandan te menge sumusundan dutun he nekesavut ke maan is migkag̵i ni Jesus haazà.
Ne hein nezawat ni Hudas haazà is supas, ne mid-ehukan sikandin ni Setanas ne migkeg̵iyan ni Jesus te, “Gègaani nu is ebeelan nu!”
Kunaan te zuma he ibpepemasa ni Jesus sikandin te egkinehenglanen dan he idsilibra te pista, ne emun kenà, duen ibpeveg̵ey ni Jesus diyà te menge egkengeayuayu. Umba iyan haazà netag̵ù diyà te g̵ehinawa zan su si Hudas, iyan edtipig te selapì dan.)
