Juan 13:12 - Manobo Western Bukidnon

¹² Ne hein netapus din haazà is kebpenlùlui zin te menge paa zutun te menge sumusundan din, insun-ud din is kumbalè din ne mibpinuu. Migkag̵i sikandin diyà te kandan te, “Egkesavut niw ve is kehulug̵an kayi te mid-ulaula ku keniyu?

Juan 13:12 교차 참조

Mateo 13:51

Ne mid-insaan ni Jesus is menge sumusundan din te, “Egkesavut niw ve heini is egkeg̵iyen ku?” “Uya, Datù, egkesavut dey,” ke sikandan.

Marcos 4:13

Ne mid-uman megkag̵i si Jesus te, “Egkesavut niw ve heini is sempità he migkag̵i ku? Emun kenè niw heini egkesavut kenè niw zaan egkesavut is duma he menge lalag ku he pinaag̵i te sempità.

Lucas 22:27

Ne penenglitan, hentei is lavew? Iyan be is ebpinuu su egkaan wey ke iyan be haazà is sulug̵uen he edtangel kandin? Ne siguradu iyan lavew is ebpinuu, ne minsan pa zutun, siak is egalen niw, ne iring a te edtangel keniyu.”

Juan 13:4

Ne zutun te edlavung dan, midhitindeg si Jesus ne midluwas din is kumbalè din ne zuen imbevakes din he tualya,

Juan 13:7

Ne midtavak si Jesus te, “Kenè nu egkesavut is ebeelan ku g̵untaan, iyan, keuzemà egkesavut nu.”