Juan 12:47 - Manobo Western Bukidnon

⁴⁷ Ne ke zuen etew he nezineg din heini is menge penurù ku ne kenè din edtumanen, kenè ku sikandin edhukuman te silut su wazà a medhendini te kelibutan wey ku mesiluti is menusiyà, kekenà, wey ku melibri te silut is menusiyà.

Juan 12:47 교차 참조

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 18:11

Su siak is Kakey te Menusiyà, iyan impekehendini ku te kelibutan su wey ku melibri is menusiyà wey kenà sikandan mesiluti tenged te menge salè dan.

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Lucas 9:56

Ne midlaus dan diyà te zuma he inged.

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

Juan 3:17

Is Megbevayà, wazè e zin is Anak din sug̵ua zini te kelibutan te kedsilut te menusiyà, kekenà, su wey pinaag̵i kedì melibri is menusiyà.

Juan 5:45

Kenè niw isipa he iyan a edsumbung keniyu keuzemà diyà te etuvangan te Amey ku he Megbevayà. Su kes lukes niw he si Moises, edsarig kew te insurat he menge lalag din, ne nasì iyan sikandin edsumbung keniyu zutun he andew.

Juan 8:26

Mezakel pa pezem,” ke si Jesus, “is menge lalag ku keniyu mehitenged te menge ulaula niw wey niw mesavut he mezaat is menge vaal niw, iyan, iyan dà ibpesavut ku zè pa te menusiyà is nezineg ku ziyà te midsug̵ù kedì, ne egkeserig̵an is menge lalag din.”

2 Pedro 3:15

Kenè niw lipati he iyan ibpelevaya te Megbevayà kenitew su wey melibri ki te silut din. Iyan daan heini impesavut keniyu te emig̵u tew he si Pablo zutun te surat he impeuwit din keniyu. Impinted heini kandin te Megbevayà.

1 Juan 4:14

Sikami is menge epustul, netuenan dey he impehendini te Megbevayà is Anak din su wey melibri is menusiyà te silut. Umba netuenan dey su neehè dey sikandin ne edtudtulen dey is neehè dey.