Juan 12:28 - Manobo Western Bukidnon

²⁸ Ne zutun migkeg̵iyan ni Jesus is Amey zin he Megbevayà, ke sikandin te, “Amà, himuwa nu he mevantug ka te menge etew.” Ne zutun duen lalag he ebpuun te langit he egkag̵i te, “Midhimu ku en, ne ed-umanan ku edhimuwa.”

Juan 12:28 교차 참조

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 11:26

Umba ebpeselematan ku su midhimu nu heini te iring kayi tenged te iyan egkesuatan nu tenged te g̵ag̵ew nu.”

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Mateo 26:42

Ne midlikù si Jesus ne mid-ampù med-uman, ke sikandin te, “Amey ku, emun kenè en egkehimu he id-awà sikan is kedresaya kedì ne iyan egkesunud is kenikew he egkesuatan.”

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”

Marcos 1:11

Ne zutun nezineg is Megbevayà diyà te langit he egkag̵i te, “Minahal ku sikew he anak ku. Utew ku en sikew igkelipey.”

Marcos 14:36

Ke sikandin dutun te ked-ampù din te, “Amey ku, egkehimu nu is minsan hengkey ne emun egkehimu zà ne kenà a kenikew ipehimetayi, iyan, kenà egkesunud is kediey he egkesuatan, kekenà, iyan egkesunud is kenikew.”

Marcos 9:7

Ne neselikuvungan sikandan te g̵apun ne nezineg dan is midtik-ew megkag̵i he ebpuun dutun te g̵apun te, “Iyan heini sikan is Anak ku he utew ku minahal. Pemineg̵a niw is menge lalag din.”

Lucas 9:35

Ne nezineg dan is midtik-ew megkag̵i he ebpuun dutun te g̵apun te, “Iyan heini Anak ku he mibpilì ku he ibpahadì. Pemineg̵a niw is menge lalag din.”

Juan 11:4

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Juan 18:11

Ne midawey ni Jesus si Pedro, ke sikandin te, “Ig̵umè nu heeyan is ubpit nu su is ibpaantus kedì te Amey ku, kenè ku ve ed-entusen?”

Juan 9:3

Ne midtavak si Jesus te, “Kenà tenged te salè din is kegkelakap din wey kenà daan tenged te salà te amey zin wey iney zin, kekenà, iyan ingkelakap din su wey ikepaahà pinaag̵i kandin is gehem te Megbevayà.

Ipisu 2:7

Umba mid-ulaula zin heini su wey ikepeehè din kenitew is utew lavew he kezekelà te g̵ag̵ew zin wey kedtavang din kenitew pinaag̵i ki Jesu Kristu te wazè din pidtemanan.

Ipisu 3:10

Umba wazà heini zengan ipezayag su wey g̵untaan pinaag̵i zà te menge tumutuu ki Jesus, ibpaahà te Megbevayà diyà te menge kedesenan wey menge egalen diyà te langit ke hengkey kezekelà is ketau zin he wazè med-iring-iring.

Ipisu 3:21

Berakat he zelig̵a sikandin pinaag̵i kenitew te langun he menge tumutuu zin wey pinaag̵i ki Jesu Kristu g̵untaan he timpu wey te wazè din pidtemanan.

2 Pedro 1:17

Duma key zin dengan hein impaahà te Amey tew he Megbevayà is mekeg̵eg̵ehem he anlag din wey is utew zin kegkelavew. Nezineg dey is lalag te mekeg̵eg̵ehem he Megbevayà he migkag̵i te, “Iyan heini sikan is Anak ku he utew ku minahal; ingkesuat ku utew sikandin,” ke sikandin.