Ipisu 4:2 - Manobo Western Bukidnon

² Kinahanglan he kenè kew pegalbu, kekenà, peketulanged kew wey mebmeinentusen kew. Ipeehè niw is gag̵ew niw ziyà te kada sevaha keniyu pinaag̵i te kebmepelevayen niw.

Ipisu 4:2 교차 참조

Mateo 11:29

Beeli niw is idsug̵ù ku keniyu ne pepenurù kew kedì ne ebpekehimeley kew su kenà a eengeren ne kenà a ebpenlupig te minsan hentei.

Marcos 9:19

Ne zutun migkag̵i si Jesus te, “Sikiyu is menge etew g̵untaan, wazè niw iyan kedtuu te Megbevayà. Utew ves egkeug̵et is kebpekiduma ku keniyu. Utew ves egkeug̵et is kebpekeantus ku keniyu ne human kew edtuu. Ihengkayi niw heeyan is batà.”

Nengeulaula 20:19

Midtuman ku is ebpeveelan kedì te Megbevayà ne wazà a mebpelavew. Mibpenig̵is is menge luhè ku tenged te mahal kew zini te g̵ehinawa ku. Mezakel is kemereg̵enan wey kemeresayan he neulaula ku tenged te menge pesipala he mibeelan kediey te menge iring ku he Hudiyu.

Ruma 15:1

Ne sikitew is meheg̵et is kedtuu te Megbevayà, kinahanglan he ed-entusen ta is kenè ta ked-ul-ulaha te ulaula he ibpekesalà te menge zuma ta he kenè pa meheg̵et is kedtuu zan. Ne kenè ta iyan idteg̵el is kenita he egkesuatan,

1 Kurintu 13:7

Ebpekeantus ki te minsan hengkey he mereg̵en, ne kenè ta ed-isipen he mezaat is ulaula te zuma ta, kekenà, layun ki edsarig te keupiya te ulaula te zuma ta. Ne kenè ta ebelesan is ebpesipala kenita, kekenà, ebpesegdanan ta.

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Kulusas 1:11

Ne ibeg̵ey zin keniyu is dekelà he g̵ehem he ebpuun te zekelà he g̵ehem din, ne tenged kayi te g̵ehem layun niw egkeantus is kemereg̵enan he zekelà is kelipey niw.

1 Timoteo 6:11

Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu.

2 Timoteo 2:25

Emun menayù is kebpenurua zin te menge kuntada zin, kela ke mahalin te Megbevayà is gehinawa zan wey zan mesavut is tutuu he tuluuwen.

Santiago 1:21

Engkezi niw en is minsan hengkey he meremerik he ulaula wey is kelelalung. Pesakup kew te Megbevayà; hemeni niw is lalag din he impesavut en keniyu su iyan ebpekelibri keniyu te silut.

1 Pedro 3:15

Layun niw isipa he iyan egalen niw si Kristu. Layun niw endama is tavak ke zuen ed-insà keniyu ke maan is ebpekesarig kew te Megbevayà.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.