Impezayag 9:5 - Manobo Western Bukidnon

⁵ Intug̵ut kandan is kedresaya zan te menge etew seled te lelima he vulan, iyan, wazà itug̵ut kandan is kedhimatey. Is kedresaya zan te menge etew, ne iring te kesakit te egkeg̵aten te venayew.

Impezayag 9:5 교차 참조

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Impezayag 11:7

Ne heini is dezuwa he menwewali, emun egketapus dan is kebpenudtula zan te Lalag te Megbevayà, edtebeken sikandan te langgam he ziyà ebpuun te vitu he wazà pidtemanan is kezalem din. Ne egkezaag sikandan dutun te langgam, ne edhimetayan din sikandan.

Impezayag 13:5

Ne mibpesagdan te Megbevayà haazà is langgam he mekekag̵i sikandin te utew memezaat he ibpegalbu he menge lalag he ebpekesumpalit te Megbevayà. Ne midtug̵utan daan sikandin he mekevayàbayà seled te kepatan wey zezuwa he vulan.

Impezayag 13:7

Ne midtug̵utan daan haazà is langgam he tebeka zin is menge etew he g̵aked te Megbevayà ne nezaag din dè pa sikandan. Ne imbeg̵ey kandin is kebayàbayà diyà te minsan hengkey he tribu wey minsan hengkey he kepuun, wey menge etew he minsan hengkey is kineg̵iyan dan, wey is minsan hengkey he g̵inhedian.

Impezayag 9:10

Is ikug dan, ne iring te ikug te venayew su edhereg ne pinaag̵i te ikug dan egkerasey zan is menge etew te seled te lelima he vulan.

Impezayag 9:3

Ne zutun te evel nenlepew is menge terapan ne midlatun dan diyà te tanà. Ne imbeg̵ey kandan is bisa te kegkag̵at dan he iring te visa te kegkag̵at te venayew.