Impezayag 7:10 - Manobo Western Bukidnon

¹⁰ Mibpekezag̵ing dan is egkag̵i te, “Delig̵a is Megbevayè tew he mibpinuu ziyà te pinuuwè din te kedhadì wey zelig̵a zaan is nati he kerehidu su nelibri kiw zan te silut!”

Impezayag 7:10 교차 참조

Lucas 3:6

Ne zutun ibpaahà te Megbevayà te tivuuk he menusiyà is edsug̵uen din he Menluluwas.’ ”

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Juan 1:36

Ne neehè din en maan si Jesus is edsag̵ad. Ke si Juan te, “Iyan heeyan sikan is etew he iring te ibpemuhat he Nati he Kerehidu he imbeg̵ey te Megbevayà!”

Juan 4:22

Sikiyu is menge tigSemarya, kenè niw egketuenan ke hentei is ed-ezapen niw, ne sikami is menge Hudiyu, netuenan dey mulà ke hentei is ed-ezapen dey su pinaag̵i kenami te menge Hudiyu edlibriyen te Megbevayà is menusiyà.

Ipisu 2:8

Su tenged dà te g̵ag̵ew zin kenita, midlibri ki zin te silut dutun te kebpeketuu ta. Wazè ki melibri pinaag̵i te kenita he vaal,

Impezayag 12:10

Ne zutun, nezineg ku is utew mezag̵ing he egkag̵i ziyà te langit he edhenduen te, “Guntaan egketuman en is kedlibriya te Megbevayà te menusiyà. Impeehè en te Megbevayà is keg̵ehem din te kedhadì. Is hadì he mibpilì te Megbevayà, impeehè din en is ketenged din te kedhadì. Su midsegseg en pehendiyà te tanà si Setanas, is edsumbung te menge suled tew. Iyan sikandin midsumbung kandan diyà te Megbevayà tew te maandew wey te mezukilem.

Impezayag 19:1

Ne nepasad haazà, nezineg ku ziyà te langit is utew meg̵urub he henduen be te utew mezakel he menge etew he egkag̵i te, “Delig̵a is Megbevayà su iyan sikandin mekeg̵eg̵ehem, iyan sikandin dekelà is bentug̵an din, iyan sikandin Menluluwas.

Impezayag 21:5

Ne migkag̵i haazà is ebpimpinuu zutun te pinuuwà te edhadì, ke sikandin te, “Guntaan edhimuwen ku he veg̵u is minsan hengkey!” Ne ke sikandin diyà te kedì te, “Isurat nu heini is egkezineg nu; egkeserig̵an wey tutuu heini he lalag.”

Impezayag 22:3

Ne haazà is inged, wazà dutun minsan hengkey he midrewakan te Megbevayà. Ne zutun is pinuuwà te Megbevayà he iyan pinuuwà te nati he kerehidu. Ne ed-ezapen is Megbevayà te menge sulug̵uen din.

Impezayag 4:6

Ne zutun daan te etuvangan te pinuuwà neehè ku is henduen be te meluag he zag̵at he iring te ispihu su utew metingew. Ne ziyà te teliwazà, iyan, ebpekeelingkus daan dutun te pinuuwà, duen heepat he linimbag he kedesenan he neeneb te mata is menge lawa zan diyà te egkesineruwan wey egkeiniyug̵an.

Impezayag 5:7

Ne haazà is nati he kerehidu, mid-uvey ne migkuwa zin sikan is belesahan he ziyà te kewanan he velad te ebpimpinuu zutun.