Impezayag 4:9 - Manobo Western Bukidnon

⁹ Ne haazà is heepat he linimbag, emun ebentug̵en dan wey edtehuzen dan wey ebpeselematan dan is wazà pidtemanan he Megbevayà he ebpimpinuu zutun te pinuuwà te edhadì, edlangkeb sikan is

Impezayag 4:9 교차 참조

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Hibriyuhanen 7:8

Ne is menge memumuhat he kevuwazan ni Levi, ne edewaten dan is ikesepulù ne ebpatey zan gihapun, iyan, si Milkisidik he mibeg̵ayan dengan ni Abraham te ikesepulù, sumalà is kedsevuta ta zutun te Lalag te Megbevayà, iring te kemulu pa sikandin uuyag.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Impezayag 10:6

Ne impepirmahan din is egkeg̵iyen din te wazà kemetayen he Megbevayà he nenlimbag te langit wey tanà wey zag̵at wey nenlimbag daan te langun he tag̵ù kayi. Ke sikandin te, “Kenè en heini ebpekesendud!

Impezayag 15:7

Ne is sevaha zutun te heepat he linimbag he kedesenan, imbeg̵ey zin dutun te pitu he velinsug̵uen is pitu he menge vulawan he lediyà he nepenù te pauk te wazè din pidtemanan he Megbevayà.

Impezayag 21:5

Ne migkag̵i haazà is ebpimpinuu zutun te pinuuwà te edhadì, ke sikandin te, “Guntaan edhimuwen ku he veg̵u is minsan hengkey!” Ne ke sikandin diyà te kedì te, “Isurat nu heini is egkezineg nu; egkeserig̵an wey tutuu heini he lalag.”

Impezayag 4:2

Ne zutun impehendiyà a te Wag̵as he Mulin-ulin. Ne hein diyè e en te langit, neehè ku is pinuuwà te edhadì ne zuen ebpimpinuu zutun.

Impezayag 4:8

Ne heini is heepat he linimbag, heenem is pakpak te uman sevaha kandan. Neeneb te mata is lawa zan wey is diyà te zizalem te pakpak dan. Ne te maandew wey mezukilem, iyan dà baal zan is kenè en egkepangkus he kegkanta. Ke sikandan te, “Wag̵as, wag̵as, wag̵as is Megbevayà. Nengazen sikandin he ebpekehimu te minsan hengkey. Iyan sikandin sikan is Megbevayà he zengan, guntaan, wey keuzemà te wazà pidtemanan.”

Impezayag 5:1

Ne haazà is ebpimpinuu ziyà te pinuuwà te edhadì, neehè ku he egewezan din diyà te kewanan he velad din is midlulun he velesahan. Midsuratan is pesiziveluyà dutun te velesahan ne zuen pitu he tiyap he impezeket dutun su wey kenà meebriyi.

Impezayag 6:16

Ne mibpemengulahì dan diyà te menge vuntud wey menge vatu. Ke sikandan te, “Lilizi key su wey key kenà maahà te ebpimpinuu ziyà te pinuuwà te edhadì he ziyà te langit ne wey key zaan kenà meumahi te pauk te nati he kerehidu.

Impezayag 7:15

Umba, diyè dan edhitindeg te etuvangan te pinuuwà te Megbevayà. Andew wey mezukilem ne ziyè dan te simbahan te Megbevayà ne edtumanen dan dutun is egkesuatan din. Ne is Megbevayà he ziyà ebpimpinuu te pinuuwè din te kedhadì, iyan edlingahaan dan.