Impezayag 4:7 - Manobo Western Bukidnon

⁷ Is sevaha zutun te linimbag, ne iring te erimaung; is ikezuwa ne iring te vaka; is iketelu ne iring te etew is paras din; ne is ikeepat, ne iring te vanug he edlayang.

Impezayag 4:7 교차 참조

1 Kurintu 14:20

Kinahanglan, menge suled, he kenà iring te ked-isip te menge vatà is ked-isipa niw kayi. Iyan dà ulaula te vatà he meupiya he ed-iringan, haazà is kenè dan kegketueni te ked-isip te mezaat. Iyan, kinahanglan he iring te ked-isip te meg̵urang is ked-isipa niw kayi.

Impezayag 4:6

Ne zutun daan te etuvangan te pinuuwà neehè ku is henduen be te meluag he zag̵at he iring te ispihu su utew metingew. Ne ziyà te teliwazà, iyan, ebpekeelingkus daan dutun te pinuuwà, duen heepat he linimbag he kedesenan he neeneb te mata is menge lawa zan diyà te egkesineruwan wey egkeiniyug̵an.

Impezayag 6:3

Ne zutun in-awà te nati he kerehidu is ikezuwa he tiyap dutun te velesahan, ne nezineg ku he migkag̵i haazà is ikezuwa he linimbag, ke sikandin te, “Genat ke en!”

Impezayag 6:5

Ne hein in-awà dutun te nati he kerehidu haazà is iketelu he tiyap dutun te velesahan, nezineg ku he migkag̵i is iketelu he linimbag, ke sikandin te, “Genat ke en!” Ne neehè ku zutun he midlepew is kudà he meitem ne zuen timbangan he igkulang te ed-untud dutun.

Impezayag 6:7

Ne in-awà dutun te nati he kerehidu is ikeepat he tiyap dutun te velesahan ne nezineg ku he egkag̵i is ikeepat he linimbag, ke sikandin te, “Genat ke en!”