Impezayag 19:8 - Manobo Western Bukidnon

⁸ Ne is esawa te nati, mibeg̵ayan te ketenged te kebisti te manggad he meputì he merayag utew.” (Ne haazà is meputì he manggad, ne iyan kehulug̵an din is menge metazeng he ulaula te menge etew he g̵aked te Megbevayà.)

Impezayag 19:8 교차 참조

Mateo 17:2

Ne zutun te kedtengtengi zan ki Jesus, netik-ew mahalin is dagwey zin. Utew merayag is paras din iring te andew. Ne nengenamag is bisti zin te keputì.

Mateo 22:12

Ne ke sikandin te, ‘He Mama, maan is nekeaku ka he edtelavuk kayi te keemuran he wazè ka medsun-ud te bisti te eseweey?’ Iyan, wazà igketavak dutun te etew.

Marcos 9:3

Is kumbalè din ne henduen te ebpenerètà he vulan su utew meputì. Wazà meputì he pinìpian dini te kelibutan he ebpekeiring dutun.

Lucas 24:4

Ne zutun utew zan egkengereg̵enan he ebpen-isip-isip; ne netik-ew mebpaahà kandan is dezuwa he maama he ebpemengenamag te keputì is bisti zan.

Nengeulaula 1:10

Ne te kemulu pa sikandan dutun edlingahà diyà te langit, mibpaahà kandan diyà te uvey zan is dezuwa he maama he ebpenganlag is ugelingen dan.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Impezayag 15:4

Ne edtehuzen ka te langun he menge etew ne ebentug̵en dan is ngazan nu te Nengazen. Su iyan ke zà wag̵as he Megbevayà. Edhendiyà te kenikew is langun he menge etew te minsan hendei he g̵inhedian ne ed-ezapen ke zan su nevantug en is menge vaal nu he memetazeng.”

Impezayag 15:6

Ne zutun te simbahan migawas sikan is pitu he velinsug̵uen he egkulangan te pitu he menge ibpenrasey te menusiyà. Midsun-uzan sikandan te manggad he utew meputì ne vevakes sikandan te vulawan.

Impezayag 19:14

Ne ebpemeninundug kandin is utew medmezakel he menge sundaru he ebpuun diyà te langit. Ebpemen-untud dan daan te meputì he menge kudà ne nengesun-uzan dan te meputì he manggad he utew lumpiyu.

Impezayag 3:18

Umba, edsembag̵an ku sikiyu he pemesaha niw zini te kediey is wag̵as he vulawan he migezaman diyà te hapuy, he ke và dà egkeg̵iya, hustu he kedtuu, ne tutuu en human he sepian kew. Ne pemasa kew zaan diyà te kediey te meputì he bisti wey maawà is kegkeeled niw tenged te kegkelevasi keniyu. Ne pemasa kew zaan te ibawì te kegkelakap niw su wey mehustu is ked-ehè niw.