Impezayag 14:16 - Manobo Western Bukidnon

¹⁶ Ne zutun, haazà is ebpimpinuu zutun te g̵apun, migamit din haazà is garab din, ne midrag̵un ziyà te kelibutan.

Impezayag 14:16 교차 참조

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Impezayag 14:14

Ne zutun neehè ku is gapun he utew meputì, ne zutun te g̵apun duen ebpimpinuu he henduen be te iyan sikan is Kakey te Menusiyà. Duen bulawan he kuruna he insuup diyà te ulu zin ne egawed te g̵arab he utew meg̵arang.

Impezayag 14:15

Ne zutun duen selakew he velinsug̵uen he migawas dutun te simbahan diyà te langit. Mibpekezag̵ing sikandin is egkag̵i ziyà te ebpimpinuu ziyà te g̵apun, ke sikandin te, “Gemita nu en is garab nu su iyan en heini timpu te kegarab su is kelibutan, iring te kamet he nelutuan en is pinemula zuen!”

Impezayag 14:17

Ne zutun neehè ku is selakew en maan he velinsug̵uen he migawas dutun te simbahan he ziyà te langit ne zuen daan kandin he egewezan he meg̵arang he g̵arab.

Impezayag 14:19

Ne zutun migamit haazà is belinsug̵uen te g̵arab din dini te lumpad te kelibutan ne midrag̵un din is menge paras, he ke và dà egkeg̵iya, iyan is langun he menge etew he kuntada te Megbevayà. Ne is nerag̵un din, in-ahuk din diyà te zekelà he vudsi he zutun egkeresa is beg̵as te paras. Ne is kehulug̵an dutun te vudsi ne iyan is pauk te Megbevayà diyà te menge kuntada zin.