Hibriyuhanen 9:7 - Manobo Western Bukidnon

⁷ Iyan, haazà is sevaha he rug̵u he egngezanan te utew mahal he rug̵u, iyan dà ebpekeseled dutun is lavew he memumuhat. Ne kesevaha zà sikandin edseled dutun te sengetuig. Ne emun ed-ahuk sikandin dutun, kinahanglan he ed-uwiten din is lengesa he ibpemuhat wey mepalis is menge salè din wey is menge salà he wazà tuyua te langun he menge zuma zin he kevuwazan ni Israyil.

Hibriyuhanen 9:7 교차 참조

Ipisu 4:18

Wazè dan hanew te hustu he ibayà ne wazè dan untung he ibeg̵ey te Megbevayà, geina te nengepaglung sikandan tenged te kezesen te g̵ehinawa zan.

Hibriyuhanen 10:3

Ne g̵eina te kada tuig dutun, kinahanglan gihapun he ed-uman dan ebpemuhat ne netuenan dan he wazè bes maawà is menge salè dan.

Hibriyuhanen 6:19

Ne utew mezesen wey nelig-enan heini is kebpeebuta tew he edtumanen te Megbevayà is penaad din su iyan edserig̵an tew is Megbevayà. Ne si Jesus, ne nehimu en sikandin he zatù tew ne ziyè en sikandin te etuvangan te Megbevayà. Ne nehimu en si Jesus he lavew he memumuhat tew he wazè din pidtemanan he iring te memumuhat dengan he si Milkisidik.

Hibriyuhanen 7:27

Kenà sikandin iring te menge zaan he lavew he memumuhat su wazà kinahanglan he ebpemuhat sikandin andew-andew iring kandan. Su andew-andew ebpemuhat dan. Edhuna zan ebpemuhat tenged te kandan he keugelingen he salà, ne human dan ebpemuhat tenged te menge salà te menge etew. Iyan, si Jesus mulà, kesevaha zà is kandin he kebpemuhat ne wazè din en umani. Midhimu zin heini zutun te kebpehimatey zin diyà te krus.

Hibriyuhanen 9:3

Duen kurtina zutun te idselang te valey he terapal ne zuen daan kurtina he intaltal zutun te mid-elangan te zezuwa he rug̵u. Ne heini is ikezuwa he rug̵u ne iyan kes egngezanan te utew mahal he rug̵u.