Biblia Todo Logo
온라인 성경

- 광고 -




Hibriyuhanen 9:12 - Manobo Western Bukidnon

12 Ne kesevaha zà is kedseled din dutun te utew mahal he rug̵u te simbahan he ziyà te langit ne kenè en ed-uman. Ne wazà sikandin mekeseled dutun tenged te kebpelengesa zin te lengesa te menge ayam dà duen, iring te menge kambing wey menge nati he vaka, kekenà, nekeseled dutun tenged te impelengesa zin is kandin he lengesa. Ne tenged kayi te kebpemuhata te lawa zin, midhimu zin he wazà pidtemanan te kedlibriya zin kenita te silut.

장을 참조하십시오 복사




Hibriyuhanen 9:12
32 교차 참조  

iyan, sikan is edsumpalit te Wag̵as he Mulin-ulin, kenè en egkeawà diyà te kandin haazà is salè din ne kenè en egkepesaylu te minsan keenu.”


“Edelig̵en tew is Nengazen he Megbevayà tew te menge kevuwazan ni Israyil su sikitew is ed-azap kandin, mibulusan kiw zin ne midlibri kiw zin te menge kuntada tew.


Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.


Su tenged te utew zekelà is gag̵ew zin kenitew, midlibri kiw zin te silut pinaag̵i te kedtig̵is te lengesa zutun te kebpehimatey ni Kristu, ne mibpesaylu zin is menge salè tew.


Ne pinaag̵i kayi te Anak din, nevelukasan kiw zin te kegkeuripen kenitew ni Setanas ne mibpesaylu kiw zin te menge ulaula tew he mezaat.


Su edteg̵azan niw kun is kedlikù te Anak din he ebpuun te langit. Iyan si Jesus he Anak te Megbevayà he mibanhew zin. Iyan si Jesus he midlibri kenitew te silut wey kiw mekeliyu te ebpekeuma he kedlimasa te Megbevayà te menusiyà.


Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.


Pinaag̵i kayi te Anak din ibpezayag is mekeg̵eg̵ehem he anlag te Megbevayà su neked-iring dan. Ke hengkey is Megbevayà ne iyan ded daan sikan is Anak din. Ne pinaag̵i te g̵ehem te kegkag̵i kayi te Anak ebeyveyaan din is minsan hengkey he linimbag. Ne hein nepasad din en is ked-ewaa zin te menge salè tew, mid-ulì diyà te langit ne mibpinuu ziyà te egkekewanan te Megbevayà su edhadì.


Ne, menge suled, tenged te mibpehimatey si Jesus ne impetig̵is is lengesa zin, wazè en kegkelenew ta te kedseled pinaag̵i te ked-ampù dutun te utew mahal he rug̵u he seled te kurtina.


Su kenà egkehimu te minsan hengkey he paag̵i he igkeawà te menge salè tew is lengesa te menge vaka wey menge kambing.


Iring din ded daan is neulaula ki Jesus su midhimetayan sikandin diyà te g̵awas te inged ne nehimu is lengesa zin he ibpalis te menge salè tew te menusiyà.


Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.


Kenà sikandin iring te menge zaan he lavew he memumuhat su wazà kinahanglan he ebpemuhat sikandin andew-andew iring kandan. Su andew-andew ebpemuhat dan. Edhuna zan ebpemuhat tenged te kandan he keugelingen he salà, ne human dan ebpemuhat tenged te menge salà te menge etew. Iyan, si Jesus mulà, kesevaha zà is kandin he kebpemuhat ne wazè din en umani. Midhimu zin heini zutun te kebpehimatey zin diyà te krus.


Dengan, sumalà is impenurù te kesug̵uan, ke zuen etew he mibmeremerik tenged te mid-uvayan din is minatey, kinahanglan he ebpetig̵isan sikandin te lengesa te ibpemuhat he vaka wey kambing, wey igmuk te edtutungen he nati he vaka. Ne pinaag̵i kayi egkepelisan sikandin dutun te kegkeremeriki te lawa zin.


Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà.


Ne tenged kayi zaan nehimu en si Kristu he zatù tew su wey zin metukud is beg̵u en he paag̵i te kebpekidsevaha tew te Megbevayà. Ne pinaag̵i kayi, is langun he midhimu te Megbevayà he meketuu, egkezawat dan is langun he meupiya he wazè din pidtemanan he impenaad te Megbevayà. Umba egkehimu heini su pinaag̵i te kebpatey ni Kristu nengepalis is langun he menge mezaat he ulaula he nehimu te menge etew zutun te timpu he nengesakup sikandan te nehuna he paag̵i.


Ne tenged kayi, hein aney ipenurù ni Moises diyà te langun he menge etew is langun he ibpetuman kandan te Megbevayà dutun te kesug̵uan, migkuwa zin is lengesa te menge nati he vaka he impemuhat, ne mid-emutan din te wahig. Midhames din dutun is bulvul te kerehidu he midtinà te merig̵à wey is subpang te kayu he egngezanan te hisup. Ne mibpirikan din dutun is libru he zutun isurat is kesug̵uan wey mibpirikan din daan is langun he menge etew.


Ne si Kristu zaan, kesevaha zà is kebpehimatey zin he iyan kebpemuhata zin te lawa zin wey zin maawà is menge salà te utew mezakel he menge etew. Ne ed-uman pa ebulus si Jesus dini te kelibutan, kenà te ked-ewaa zin te menge salè tew, kekenà, edhimesazen din is kedlibriya zin te langun he utew zekelà is perateng dan kandin.


Iyan, haazà is sevaha he rug̵u he egngezanan te utew mahal he rug̵u, iyan dà ebpekeseled dutun is lavew he memumuhat. Ne kesevaha zà sikandin edseled dutun te sengetuig. Ne emun ed-ahuk sikandin dutun, kinahanglan he ed-uwiten din is lengesa he ibpemuhat wey mepalis is menge salè din wey is menge salà he wazà tuyua te langun he menge zuma zin he kevuwazan ni Israyil.


Ne egkanta zan te veg̵u en he kentahan, ke sikandan te, “Dait ka he egkuwa te velesahan wey ed-awà te menge tiyap din su mibpehimatey ka ne imbelukas nu is lengesa nu te menge etew wey maangken sikandan te Megbevayà. Ebpemuun sikandan diyà te minsan hengkey he kepuun wey kineg̵iyan wey tribu wey g̵inhedian.


우리를 팔로우하세요:

광고


광고