Hibriyuhanen 9:10 - Manobo Western Bukidnon

¹⁰ Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

Hibriyuhanen 9:10 교차 참조

Marcos 7:4

Ne emun ebpekeulì dan he ebpuun te mirkadu ne ebpirikan dan edhunai te wahig is lawa zan ne human dan egkaan. Ne mezakel pa is neleyaman dan he tuluuwen iring te kebpenlùlù te menge inumà wey menge kuzen wey menge edtengelan he g̵alang.

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?

Ipisu 1:10

edhimuwen din heini zutun te hustu he timpu. Su mid-isip te Megbevayà he zutun edhimuwen din he sebsevaha zà si Kristu he ebayàbayà te minsan hengkey he linimbag diyà te langit wey zini te tanà.

Ipisu 2:15

Pinaag̵i te kebpehimatey zin, in-awè din is kebpetumana tew te kesug̵uan he imbilinbilin ni Moises ragkes is menge tulumanen su wey sikitew is dezuwa he kelasi te etew, mehimu zin he veg̵u en he kelasi te etew pinaag̵i te kebpekidsevaha tew kandin, ne tenged kayi naawè en is kegkekuntada tew.

Kulusas 2:16

Umba, menge suled, kenè niw itetenged is edsudì keniyu emun kenè niw ebpezumdumahan is egkesuatan dan he ibpeulaula keniyu mehitenged te kegkaan wey ked-inum, wey mehitenged daan te kedsilibra te menge mahal he menge andew wey kedsilibra te intrada te hayag wey menge andew te kedhimeley.

Hibriyuhanen 10:22

Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.

Hibriyuhanen 2:5

Ne ibpesavut ku keniyu is kelibutan keuzemà he id-ilis te Megbevayà kayi te kelibutan tew g̵untaan. Ne wazà pilia te Megbevayà is menge velinsug̵uen din he ebayàbayà dutun keuzemà he kelibutan,

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

Hibriyuhanen 7:12

Ne emun ed-ilisan is menge memumuhat, kinahanglan he ed-ilisan daan is kesug̵uan he mibenteyanan dan.

Hibriyuhanen 7:16

Ne wazà heini is beg̵u himuwa he kelibutanen he memumuhat pinaag̵i te menge kelibutanen he kesug̵uan, kekenà, midhimu sikandin he memumuhat tenged te mekeg̵eg̵ehem sikandin su wazè din kemetayen.

Hibriyuhanen 9:1

Ne zutun te nehuna he paag̵i te kebpekidsevaha te Megbevayà te menusiyà, impenurù te Megbevayà is paag̵i te ked-ezapa zan kandin wey ke ebmenmenuwen is kebeeli te simbahan dini te kelibutan.