Hibriyuhanen 8:9 - Manobo Western Bukidnon

⁹ Ne heini is beg̵u he paag̵i, ne kenà iring te nehuna he paag̵i he imbeg̵ey ku ziyà te menge lukes dan dengan te ked-eg̵aka ku kandan dutun te kebpeewaa ku kandan dutun te tanà he Ihiptu. Wazè dan tumana is menge sug̵ù ku zutun te nehuna he paag̵i ne tenged kayi mid-iniyug̵an ku sikandan,” ke sikandin.

Hibriyuhanen 8:9 교차 참조

Marcos 8:23

Ne mid-ag̵ak ni Jesus haazà is lakap pehendiyà te g̵awas dutun te inged. Ne mid-ilevan ni Jesus is menge mata zutun te lakap ne midampè din, ne mid-insaan din ke zuen be egkeehè din.

Nengeulaula 13:11

Ne g̵untaan,” ke si Pablo, “edsilutan ka te Nengazen. Egkelakap ka, ne egkeug̵et ka egkeulii ne kenè ka ebpekeahà.” Ne zutundutun mibmerusirem is ked-ahà ni Ilimas. Ne nekekawàkawà su ebpetavang te menge etew he mekeag̵ak kandin.

Nengeulaula 7:36

Ne mid-uwit ni Moises is menge kepuun tew ne mid-awè dan diyà te Ihiptu. Ne zutun te wazè dan pa med-awà diyà te Ihiptu, duen menge egkengein-inuwan wey menge singyal he impeehè din. Ne ziyà te zag̵at he egngezanan te Merig̵à, wey ziyà daan te imbayè dan he tanà he wazà duen ed-ubpà he etew, impeehè din daan is iring dutun he menge vaal. Kepatan he tuig is ked-uwita ni Moises kandan diyà te tanà he wazà dutun ed-ubpà he etew.

Nengeulaula 9:8

Ne mid-enew si Seulu ne hein migimerat, ne kenè en ebpekeahà ne mid-ag̵ak dan dà sikandin pehendiyà te Demasku.

Gelasya 4:24

Ne sempità heini is dezuwa he vahi. Iyan kehulug̵an din is dezuwa he paag̵i he midtukud te Megbevayà te kebpekidsevaha zin te menusiyà. Si Hagar is bahi he uripen, ne iyan alung te paag̵i he imbeg̵ey te Megbevayà ki Moises diyà te vuntud he Siney. Iyan heini kes kesug̵uan. Su is menge anak ni Hagar, he ke và dà egkeg̵iya, is langun he nekesarig te kedtuman te kesug̵uan, ne menge uripen sikandan.