Hibriyuhanen 8:6 - Manobo Western Bukidnon

⁶ Ne is baal ni Jesus te memumuhat, ne lavew pa utew he meupiya, kenà is baal te menge memumuhat dini te kelibutan. Ne iring din ded daan, meupiya pa utew is beg̵u he paag̵i he ed-ikulen din wey kiw mezawat te Megbevayà, kenà is daan he paag̵i. Su heini is beg̵u, ne nevig̵eran te tuwas pa he meupiya he penaad te Megbevayà.

Hibriyuhanen 8:6 교차 참조

Lucas 22:20

Ne hein neipus dan dutun is egkaan ne migkuwa en maan ni Jesus is tasa ne migkag̵i te, “Heini ve is inumen, ne tuus te veg̵u en he paag̵i te kegkelibri he midtukud te Megbevayà ne egkehimu heini pinaag̵i te lengesa ku he ibpaag̵as tenged keniyu.

Ruma 9:4

Su menge kevuwazan daan sikandan ni Israyil; mid-anak-anak sikandan dengan te Megbevayà. Ne impeehè din kandan is mekeg̵eg̵ehem he anlag din, ne zuen menge midtukud din he paag̵i te kedtuvazi zin kandan, ne imbeg̵ey zin kandan is kesug̵uan, ne impenurù din kandan is paag̵i te ked-ezapa kandin. Ne mezakel pa is meupiya he penaad din kandan.

Ipisu 2:12

Netuenan niw he zengan wazè niw upakat ki Kristu ne wazè kew iragkes te menge etew he pinilì te Megbevayà. Wazè kew zaan mekeambit duen te menge meupiya he impenaad te Megbevayà kandan. Wazà egkepaabut niw he tavang te Megbevayà ne kenà duen dà taman su wazè niw metueni ke hentei is tutuu he Megbevayà dini te kelibutan.

1 Timoteo 2:5

Sebsevaha zà is Megbevayà, ne sebsevaha zà daan is datù diyà te teliwazà te Megbevayà wey menge etew, ne iyan datù tew is etew he si Jesu Kristu.

Hibriyuhanen 12:24

Mid-uvayan tew zaan si Jesus he iyan datù tew he midhimu te veg̵u en he paag̵i te kebpekidsevaha tew te Megbevayà. Pinaag̵i te lengesa zin nengepelisan is menge salè tew. Tuus is lengesa zin te g̵ag̵ew kenitew te Megbevayà he utew haazà meupiya kenà te lengesa ni Abel zengan su is lengesa ni Abel, iyan tuus te silut te Megbevayà.

Hibriyuhanen 7:22

Ne tenged kayi te penaad te Megbevayà, pinaag̵i ki Jesus egkesiguru tew he utew pa meupiya heini is beg̵u he paag̵i he midtukud te Megbevayà te kedlibriya zin kenitew kenà is daan.

2 Pedro 1:4

Iyan heini kedtumana zin te penaad din he utew zekelà wey mahal is idtuvad din kenitew. Umba impenaad din heini su wey mekeiring is menge ulaula tew te menge ulaula te Megbevayà ne mekelikey kiw zini te kelibutan te kedtumana te menge mezaat he kebayè tew su ebpekezezaat heini kenitew.