Hibriyuhanen 7:8 - Manobo Western Bukidnon

⁸ Ne is menge memumuhat he kevuwazan ni Levi, ne edewaten dan is ikesepulù ne ebpatey zan gihapun, iyan, si Milkisidik he mibeg̵ayan dengan ni Abraham te ikesepulù, sumalà is kedsevuta ta zutun te Lalag te Megbevayà, iring te kemulu pa sikandin uuyag.

Hibriyuhanen 7:8 교차 참조

Juan 14:19

Kenè en egketegteg̵aad ne kenà ad maan egkeahà te menge kuntada ku he etew zini te kelibutan, iyan, sikiyu mulà, egkeehè e pa egkeuman keniyu. Kenà egkeawà is untung ku te minsan keenu, umba zuen niw en daan untung he kenà egkeawà te minsan keenu.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Hibriyuhanen 3:16

Ne hentei heini is menge etew he minsan nezineg dan is Lalag te Megbevayà midsukulan dan gihapun sikandin? Iyan sikandan sikan is menge etew he kevuwazan ni Israyil he mid-uwit ni Moises puun diyà te tanà he Ihiptu.

Hibriyuhanen 5:6

Ne zuen pa insurat he lalag din he edhenduen te, “Iring ka ki Milkisidik he memumuhat dengan, su wazà pidtemanan te kegkememumuhat nu.”

Hibriyuhanen 7:23

Ne kenà duen dà taman su haazà is menge memumuhat dengan he menge kevuwazan ni Levi, kinahanglan he utew zan mezakel su emun ebpatey is duma kandan, kinahanglan he ed-ilisan dutun te zuma.

Hibriyuhanen 7:7

Ne netuenan te minsan hentei he is etew he ebpenubtuvazan din is sengeeetew en, ne lavew sikandin kenà haazà is etew he ebpenubtuvazan din.

Hibriyuhanen 7:9

Ne si Levi, iyan kepuun te langun he menge memumuhat te menge Hudiyu, ne egkesavut ta zaan he zutun te kebeg̵aya ni Abraham te ikesepulù diyà te ki Milkisidik, nekeveg̵ey zaan si Levi ziyà te ki Milkisidik.

Hibriyuhanen 9:27

Imbanglis te Megbevayà diyà te menusiyà is kebpatey te kesevaha, ne egkeipus dutun te kebpatey zin ne edsusiyen te Megbevayà is menge ulaula zin.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.