Hibriyuhanen 7:17 - Manobo Western Bukidnon

¹⁷ Su zuen insurat he Lalag te Megbevayà he zutun migkeg̵iyan sikandin te Megbevayà te, “Memumuhat ka he wazà pidtemanan te kegkememumuhat nu iring te kegkememumuhat ni Milkisidik.”

Hibriyuhanen 7:17 교차 참조

Hibriyuhanen 5:10

Ne zutun, is Megbevayà, midlilaan din sikandin he lavew he memumuhat iring te memumuhat dengan he si Milkisidik.

Hibriyuhanen 5:6

Ne zuen pa insurat he lalag din he edhenduen te, “Iring ka ki Milkisidik he memumuhat dengan, su wazà pidtemanan te kegkememumuhat nu.”

Hibriyuhanen 7:11

Ne netuenan ta he zutun te kebeg̵aya te Megbevayà te kesug̵uan diyà te menge Hudiyu, midtendek din is menge memumuhat he iyan is menge kevuwazan ni Levi he iyan ed-uwit te kesug̵uan. Ne emun egkehimu he ebmetazeng is menusiyà pinaag̵i te kandan he menge vaal, wazè en kinahanglan he zuen pa maan memumuhat he iring ki Milkisidik. Iyan, duen en mibpilì te Megbevayà he selakew en he memumuhat. Ne heini, ne kenà iring ki Arun he kevuwazan ni Levi, kekenà, iring sikandin ki Milkisidik.

Hibriyuhanen 7:15

Ne keladu en utew he emun mid-ilisan en is menge memumuhat he kevuwazan ni Levi ne mid-ilisan daan is kesug̵uan su zuen selakew en he memumuhat he iring ki Milkisidik.

Hibriyuhanen 7:21

Iyan, si Jesus mulà, mibpenaazan te Megbevayà su zuen insurat he Lalag te Megbevayà he edhenduen te, “Siak is Megbevayà, impenaad ku he egkehimu ka he memumuhat ne wazà pidtemanan te kegkememumuhat nu, ne kenè en heini ebperis.”