Hibriyuhanen 6:3 - Manobo Western Bukidnon

³ kekenà, emun idtug̵ut te Megbevayà, edlaus kiw en te ked-istudyu te menge penurù he zait te menge etew he mezesen en is kedtuu zan.

Hibriyuhanen 6:3 교차 참조

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Ruma 15:32

Ne emun egketapus heini, wey ke egkesuatan te Megbevayà, ebpekehendiyan a te keniyu he utew zekelà is kelipey ku ne egkehimu he ebmelinawen is ked-isip-isip ku pinaag̵i te kebpenumbaley ku ziyan te keniyu.

1 Kurintu 16:7

Kenè ku egkesuatan he meg̵aan dà is kebpenumbaley ku ziyan, kekenà, iyan netag̵ù te g̵ehinawa ku is egketegteg̵aad a ziyan ke edtug̵ut is Megbevayà.

1 Kurintu 4:19

Iyan, ke edtug̵ut is Nengazen tew, meg̵aan e en edhendiyan ne zutun ed-ahaan ku ke hendei taman is kebpegalbu zan su kela ke taman dà te menge lalag is kebpegalbu zan.

Hibriyuhanen 6:4

Su penenglitan duen menge etew he neteyawan te Megbevayà is isip dan. Nesavut dan en ke hengkey is ibeg̵ey kenitew ziyà te langit, ne nekeambit dan en te g̵ehem te Wag̵as he Mulin-ulin, ne netuenan dan en is meupiya he impesavut te Megbevayà, ne neehè dan daan is egkehimu te g̵ehem he ibpaahà te Megbevayà keuzemà te ketepusan he timpu. Ne emun ed-iniyug̵an dan heini kenè en egkehimu he ibpelikù dan ibpeuman wey zan meiniyug̵i is mezaat he menge ulaula zan. Henduen be te in-uman dan iransang diyà te krus is Anak te Megbevayà ne edhimuwen dan he sumpelita sikandin te menge etew.

Santiago 4:15

Meupiya pa ke egkag̵i ki te, “Emun idtug̵ut kenita te Nengazen he kenè ki pa ebpatey, ebeelan ta is iring dutun.”